МАН-ын Удирдах зөвлөл хуралдаж Хотын даргад Х.Нямбаатар, ХЗДХ-ийн сайдад Б.Энхбаярыг, Түгжрэлийн сайдад Б.Дэлгэрсайханыг дэмжлээ.

            Энэ талаар тус намын Удирдах зөвлөлийн нарийн бичгийн дарга А.Ариунзаяа “Сонгуулийн тухай хуулиараа жилийн дотор нөхөн сонгууль явагдахгүй. Х.Нямбаатар сайд хашиж байсан хоёр албан тушаалаасаа чөлөөлөгдөх шийдвэр гаргаж байгаа. Улс төрийн томоохон даалгаврыг авч байна гэсэн үг. Тэгээд хотод болж байгаа үер, газар олголт зэрэг хот хариуцан хариуцлагатай ажиллах үүрэг авсан. Намын дарга, Ерөнхий сайд өчигдөр намын бүлэг дээр нийслэл дэх автобустай холбоотой нөхцөл байдал дээр хаалттай хуралдааныг зохион байгуулсан. Тэгэхээр эхний ээлжид улс төрийн шийдвэр ийм байна. Одоо Нийслэлийн намын бүлэг, Нийслэлийн Иргэдийн хурал хуралдаж байгаа. Ерөнхий сайдын зүгээс өнөөдөр хот хариуцах туршлагатай хүн хэрэгтэй байна гэж үзэж байгаа үүднээс Х.Нямбаатар сайдыг дэмжиж байгаа гэдгээ хэлсэн. Сайдаар ажиллаж байхдаа сайн ажилласан учир хурдан шуурхай томилох нь зүйтэй гэж үзсэн. Б.Дэлгэрсайхан сайдын хувьд хоёр ч удаа УИХ-ын гишүүнээр томилогдсон туршлагатай, хувийн хэвшилд өөрийн гэсэн бүтээсэн зүйлийн арвин туршлагатай хүний хувьд дэмжиж байгаа" гэв.