Засгийн газрын хуралдаанаас гарсан шийдвэрүүдийг танилцуулж байна. Энэ үеэр Эдийн засаг хөгжлийн сайд Ч.Хүрэлбаатар мэдээлэл өглөө.

   Тэрбээр “Гадаад валют нэмэгдүүлэх чиглэлээр шийдвэрүүд гарлаа. Өнгөрсөн нэг жилийн дотор авч хэрэгжүүлсэн арга хэмжээг та бүхэнд танилцуулж байна.  Монгол  Улсын валютын нөөц дөрвөн тэрбум 124 сая  ам долларт хүрсэн.  2023 оны эхний найман сарын байдлаар Монгол Улсын эдийн засгийн өсөлт 6.5 болсон. Мөн нүүрсний экспорт 47 сая тонн хүрч, өнгөрсөн оны мөн үеэс 28 сая тонноор нэмэгджээ. Энэ бүгд валютын нөөц нэмэгдүүлэх арга хэмжээ  авч хэрэгжүүлснээс  жилийн дотор гарч буй үр дүн. Уул уурхайд биржийн тогтолцоог оруулж ирснээр, борлуулалт нэмэгдэж байна. Мөн 540 гэрээг ил болголоо” гэлээ.