Монгол Улсын Засгийн газрын ээлжит хуралдаан үргэлжилж байна. Засгийн газрын хуралдаанаар Хууль зүй, дотоод хэргийн сайд Х.Нямбаатарыг Нийслэлийн Засаг дарга бөгөөд Улаанбаатар хотын захирагчаар томилох шийдвэр гаргасан талаар ЗГХЭГ-ын дарга Д.Амарбаясгалан мэдээллээ.

                              Энэ талаар ЗГХЭГ-ын дарга Д.Амарбаясгалан “Шинээр томилогдох Улаанбаатар хотын захирагч Х.Нямбаатар Хууль зүй, дотоод хэргийн сайдаар ажиллаж байсан туршлагатай. Мөн Засгийн газраас Х.Нямбаатар сайдыг Нийслэлийн Засаг даргаас илүүтэй нэг төрлийн Бүрэн эрхт төлөөлөгчийн үүрэгтэй ажиллуулах нөхцөл бий болгоё гэж байгаа юм. Харин ХЗДХ-ийн сайд Х.Нямбаатар Засгийн газрын “5Ш” ажиллагаа, Оюутолгой, уран зэрэг Ажлын хэсгийг ахалж ажиллаж байсан. Одоо Ажлын хэсгүүдийг Засгийн газрын сайд нар хувааж авч, шинээр томилогдох ХЗДХ-ийн сайд хариуцсан салбарын ажлаа хийх юм” гэв.