Хууль зүйн байнгын хорооны хуралдаанаар УИХ-ын гишүүн Ж.Сүхбаатар цаг үеийн асуудлаар мэдээлэл өглөө.

         Тэрбээр “ УИХ гэдэг ард түмний төлөөлөгчдийн дээд байгууллага, ерөнхийлөгч дээд шүүх танилцах зөвшилцөхийн өмнө юу болсон бэ гэхээр УИХ-ын гишүүд, Ерөнхийлөгч, Дээд шүүхийн өмнөх олон жилийн практик нь гишүүд хүртэл бүрэн танилцах боломж олгохгүйгээр энэ танилцах зөвшилцөх ажиллагааг явуулж шүүх, цэцийн үйл ажиллагааны олон удаагийн шүүмж гараад байгаагийн эх үндэслэл болсон. Их Хурлын танилцах зөвшилцөх гэдэг бол зүгээр УИХ-аар танилцуулж зөвшилцсөн болоод өнгөрөөгөөд явуулъя гэсэн үг биш. Танилцсан ч бай, зөвшилцсөн ч бай энэ бол олон түмэнтэйгээ хуваалцаж байгаа эрх мэдлийг хэрэгжүүлье, наад зах нь мэдээлэл авъя, тэгээд санал бодлоо хэлэх боломжийг иргэдэд олгоё гэдэг санаа. Түүнээс гишүүд Ерөнхийлөгч, Дээд шүүхийн хооронд урьд нь ингээд зөвшилцсөн болоод танилцсан болоод шийдээд байсан нь олон асуудал дагуулсан юм  гэдгийг засах гэж энэ сонсголыг хийж байгаа.

        Ингэснээр бүх тал тэнцвэржиж байгаа юм. Дур зоргоороо аль нэг тал эсвэл хоёр тал хоёр институт хоорондоо ойлголцсон гэдэг юм уу, муухайгаар хэлбэл, хуувилдаад шууд шийдчихэж байгаа биш. Энэ улсын жинхэнэ эзэд болсон ард түмэн иргэд сонирхогч талууд нь энэ мэдээллийг аваад санал бодлоо хэлээд танилцаж байгаа зөвшилцөж байгаа талууд ч гэсэн иргэдийнхээ санаа бодол дээр үндэслээд байр сууриа хэлдэг, томилох гэж байгаа этгээд ч гэсэн тухайн хүнийхээ талаар УИХ-ын гишүүд болоод олон түмний санаа бодлыг харгалзаж байгаад томилох эсэхээ шийддэг байх  хэрэгтэй. Тэгэхээр сонсголын гол агуулга бол УИХ-ын гишүүд бол ард түмний төлөөлөгч, Үндсэн хуульд зааснаар Засгийн бүх эрх ард түмний мэдэлд байна төлөөлөгчдөөрөө дамжуулж энэ эрхээ эдэлнэ гээд заачихаар энэ томилгооны үйл явц хэдэн институтийн хооронд өнгөрч байгаа биш эцэст нь иргэд шударга шүүхээр шүүлгэх эрхтэй шүүх нь үнэлэлт дүгнэлт өгөх боломжтой “гэв.

Б.Сувданзаяа