Хууль зүйн байнгын хороогоор Үндсэн хуулийн цэцийн 2023 оны 05 дугаар дүгнэлтийг хэлэлцүүлж эхэлж байна. Уг дүгнэлттэй холбоотой асуудлаар УИХ-ын гишүүд үг хэлж, асуулт асууж байна.

УИХ-ЫН ГИШҮҮН Ш.АДЬШАА: Шүүх эрх мэдлийн хуваарилалтын талаарх гомдлыг хэлэлцүүлж байна. Монгол Улсын төрийн тогтолцооны бие даасан байдал, Үндсэн хуульд заасан зарчим биелэгдэх үү гэсэн сонголтын өмнө ирээд байна. Би Үндсэн хуулийн цэцийн дүгнэлтийг хүлээж авах ёстой гэж бодож байна. Шүүх эрх мэдэл хууль тогтоох эрх мэдлийн хараанд орсон зохицуулалт хийсэн гэж би боддог. Шүүхийн ерөнхий зөвлөл, шүүхийн сахилгын хорооны хараат бус гишүүдийг томилох асуудалд УИХ эрх мэдлийг өөртөө авсан. Томилгооны сонсгол хийж, сонгон шалгаруулалт хийдгийг би эсэргүүцэж байна. УИХ бол хууль батладаг, хуулийн хэрэгжилтэд хяналт тавих үүрэгтэй. Бид шүүх эрх мэдлийн ерөнхий зөвлөл болон сахилгын хорооны Үндсэн хуулийн иститутыг томилдог асуудлаа эргэж харах ёстой. Энэ нь Үндсэн хуулийн хямрал руу оруулж байна.