Үндсэн хуулийн цэцэд Улсын дээд шүүхээс хуульч О.Мөнхсайхан, Б.Гүнбилэгт нарыг нэр дэвшүүлсэн. Тэгвэл О.Мөнхсайханыг Үндсэн хуулийн цэцэд томилох саналаа УИХ-д хүргүүлэхээр болсон байна. Хуульч О.Мөнхсайхан нь МУИС-ийн Хууль зүйн сургуулийг эрх зүйч мэргэжлээр төгссөн. Япон Улсын Нагояа Их сургуульд Хууль зүйн ухааны магистрын зэрэг, Хууль зүйн ухааны докторын зэрэг тус тус хамгаалсан.
Мөн МУИС-ийн Хууль зүйн сургуулийн Төр эрх зүйн онол, түүхийн тэнхимийн туслах ажилтан, Эрх зүй судлалын тэнхим, Нийтийн эрх зүйн тэнхимд дэд профессор, профессор, МУИС-ийн Үндсэн хуулийн эрх зүйн хүрээлэнд захирал, Япон улсын Нагояа Их сургуулийн Хууль зүйн сургуульд гадаад судлаач, АНУ-ын Вашингтоны Их сургуульд зочин судлаач, Жорж Вашингтон Их сургуулийн Хууль зүйн сургуульд зочин судлаач, хууль зүйн баримт бичгийн анализ хийгч, орчуулагч хийж байсан юм.
| ЦЭЦИЙН ГИШҮҮНД О.МӨНХСАЙХАНЫГ ТОМИЛОХООР УИХ-Д САНАЛ ХҮРГҮҮЛЭХЭЭР БОЛЖЭЭ |
|
