УИХ дахь Ардчилсан намын бүлэг цаг үеийн асуудлаар мэдээлэл хийж байна. Энэ үеэр Ардчилсан намын тэргүүн дэд дарга С.Баярцогт “УИХ дахь Ардчилсан намын бүлгийн гишүүд хуралдсан. Үндэсний бодлогын хорооны зам, тээврийн Болдбаатар даргатай зөвлөлийн гишүүд нөхцөл байдлыг дүгнэж, ярилцлаа. Нэгдүгээрт нь, Ерөнхий сайдад гурван албан тушаалтанд хариуцлага тооцох саналыг Ардчилсан намаас хүргүүлж байна. Түгжрэлийн асуудал хариуцсан сайдыг ажлаас нь чөлөөлөх ёстой. Мөн Нийслэлийн Засаг дарга бөгөөд Улаанбаатар хотын захирагчийг ажлаас нь чөлөөлөх ёстой. Тэднээс гадна Тагнуулын Ерөнхий газраас гаргасан зөвлөмжийн дагуу тус гэрээг нууцад оруулсан байгаа учраас Тагнуулын Ерөнхий газрын үйл ажиллагааг хуульд нийцсэн эсэхийг хянаж, зөрчсөн байвал огцруулах саналыг хүргүүлсэн. Мөн Улсын Их хуралд хяналтын тусгай хороо байгуулах нь зүйтэй. Өнгөрсөн долоон жилийн хугацаанд тендерүүдийг нууцад оруулж байгааг үйл ажиллагааг нь эхлүүлдэг. Үүнд татвар төлөгчдийн мөнгийг үнэгүйдүүлсэн байж болзошгүй байгаа юм.  Ногоон автобустай холбоотой мэдээллийг анх олон нийтэд мэдээлсэн манай намын Үндэсний бодлогын хорооны гишүүн Ж.Энхбатад маш их дарамт ирж байгаа. Тиймээс түүнийг төрийн  хамгаалалтад авахын хүсэж байна” гэлээ.