УИХ-ын намрын ээлжит чуулган нээлтээ хийлээ. Намрын чуулганы нээлтэд 52 гишүүн оролцож, 71.2 хувьтай чуулганы хуралдаан эхэлсэн. Чуулганы хуралдааныг нээж УИХ-ын дарга үг хэллээ. Тэрбээр Намрын чуулганы нээлтийн үйл ажиллагаанд Ерөнхий сайд Л.Оюун-Эрдэнээс гадна Үндсэн хуулийн Цэцийн гишүүд, Улсын дээд шүүхийн шүүгч нар, Улсын ерөнхий прокурор, Ерөнхийлөгчийн Тамгын газрын дарга, УИХ-д ажлаа тайлагнадаг байгууллагууд, Монгол Улсад суугаа дипломат төлөөлөгчийн газрынхан оролцож байна.УИХ-ын энэ удаагийн бүрэн эрхийн отгон намрын чуулган эхэлж байна. Нийгмийн бухимдал их, сонгуулийн идэвхжил эхэлсэн. намрын их ажил ундарсан цаг үед чуулган эхэлж байна. Монголын улс уламжлал, шинэчлэлийн зааг үеэ туулж байна. Үндсэн хуулийн өөрчлөлт, сонгуулийн шинэ тогтолцоо, Улс төрийн намын тухай шинэ хууль, итгэл хүлээлт дор монголчууд итгэл найдвар тээж байна.
Үндсэн хуулийн өөрчлөлт бүрэн цогцоороо хэрэгжих ёстой. Олон хууль цаасан дээр үлдээд байна. УИХ шуурхай, мэдрэмжтэй ажиллах, иргэдийн засаглах, мэдэх, хариуцлага тооцох оролцооны эрхүүдийг батласан олон хууль тогтоомж батласан. Үндсэн хуулийн өөрчлөлтөөр Хяналт, шалгалтын түр хороо, Нийтийн сонсгол зэргээр ард түмний хяналт, оролцооны эрхийг баталгаажуулсан. Иргэдийн бухимдлыг төрүүлсэн асуудлыг УИХ ард түмэнтэйгээ хамт хянан шалгах болсныг тууштай болгох хэрэгтэй. Босоо удирдлагатай тогтолцоог хэвтээ болгосон. Худал хуурмаг, хулгай луйвар тав алхалгүй илчлэгддэг болжээ. Хууль зөрчсөн ард түмнийхээ боломжийг хулгайлсан үйлдлүүдэд хуулийн хариуцлага тооцож, төрийн бодлого нь хүмүүсийнхээ хүсэл шаардлагад нийцэж ажиллах шаардлага байна. Ингэж ажиллаж чадахгүй бол төр иргэдийнхээ итгэлийг алдана. Монголын төр авлига хээл хахуультай тэмцсээр байгаа ч үр дүн нь өргөс авсан мэт түргэн гарахгүй байна.
Хөгжлийг гацааж хувиа хичээсэн цөөнх хэсгийн шуналт үйлдлийн үр дагвар өнөөдөр Монгол төрийн нэр хүндийг унагаж баллуурдаж байна. Тиймээс УИХ -ын гишүүд та бүхнийг авлигын эсрэг тэмцэлд тууштай зүтгэхийг хүсэж байна. Засгийн газрын энэ хүчин чармайлтыг дэмжиж ажиллах ёстой.
Яг энэ цаг үед нийгмийн бухимдлыг дээд цэг нь хүргээд байгаа нийслэл Улаанбаатар хотод 30 гаруй жил ужгирсан асуудлыг шалгаж, шийдвэртэй алхам авах хэрэгтэй байна. Энэ зорилгоор УИХ-ын Хяналт шалгалтын түр хороог яаралтай байгуулж, газрын наймаа, нийтийн тээвэр, дулаан цахилгааны тусгай зөвшөөрөл, төрийн худалдан авалтыг тойрсон авлига хээл хахуулийг ил тод болгож хариуцлага тооцох ёстой гэж байна. Үүнд Байнгын хороод, Намын бүлгүүд ажиллахыг үүргэж болгож байгаа юм. Монголын төр сахилга, хариуцлага алдагдсан гэдгийг иргэд хэлж буй. Өнгөрсөн хаврын чуулганыг "Авлигын эсрэг" чуулган болгон зарласан. Монголын эдийн засагт үлэмж хэмжээний хохирол учруулсан нүүрсний гэх сонсголын зохион байгуулахыг ард иргэд шаардаж байна. Тиймээс хаврын чуулганыг үргэлжлүүлэх шаардлагатай байна. Шүүх байгууллагаас эхлээд, шүгэл үлээгчийн хуулийг хэрэгжүүлэх шаардлага байна. Шүүхийн тухай хуулийн зарим заалт, тухайлбал, шүүхийн тогтолцооны гажуудлыг засах чиглэлээр тодорхой заалтууд хэрэгжихгүй байгаа талаар мэдэгдлээ ирүүлэхийг ШЕЗ-өөс шаардаж байна. Баялаг бүтээгчдийг дэмжсэн багц хуулийг батлах шаардлагатай байна. Эдийн засаг тэлж, экспорт нэмэгдэж, валютын нөөц дөрвөн тэрбум ам.доллар давлаа" гэлээ.
| Г.ЗАНДАНШАТАР: УИХ-ын Хяналт шалгалтын түр хороог яаралтай байгуулж, газрын наймаа, нийтийн тээврийн асуудалд хариуцлага тооцох ёстой |
|
