Нүүрсний хэрэгт холбогдож,  яллагдагчаар татагдаад буй УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох шүүх хурал аравдугаар сарын 30-ны өдөр хүртэл хойшиллоо.

                     Энэ үеэр "Эрдэнэс Тавантолгой"-н Гүйцэтгэх захирал асан Б.Ганхуяг цагдан хорих ялыг өөрчилж өгөх хүсэлтийн тавьсан. Гэвч Улсын яллагч “ХЗДХ-ийн сайд болон Эрүүл мэндийн сайдын хамтарсан 2019 оны тушаалаар хоригдогч этгээд зайлшгүй гуравдугаар шатны эмнэлэгт хэвтэн эмчлүүлэх шаардлага бий болсон тохиолдолд мэдэгдлийг шүүхэд хүргүүлдэг. Тиймээс эрүүл мэндийн шалтгаанаар ялыг өөрчлөх боломжгүй. Мөн эрүүгийн хянан шийдвэрлэх ажиллагаа одоо хүртэл явагдаж байгаа учир хэргийн баримт дутуу гэх үндэслэлгүй байна” гэлээ.