Нүүрсний хэрэгт холбогдож,  яллагдагчаар татагдаад буй УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох шүүх хурал болж байна.

           Энэ үеэр Эрдэнэс Тавантолгой"-н Гүйцэтгэх захирал асан Б.Ганхуяг үг хэллээ. Тэрбээр “Өнөөдрийн шүүх хурал “Нүүрсний” гэх хэрэгт холбоогүй болох нь өмнөх шүүх хурлаас ойлгомжтой болсон. Энэ яригдаад буй 40 их наяд төгрөг ч байхгүй. Одоогийн үйл ажиллагаагаа явуулж буй Чингис хаан банктай холбоотой асуудал учир шинжээчийг оруулах нь маш зөв. Миний бие арван сарын хугацаанд цагдан хоригдож байгаа. Би бусад холбогдох 11 хүний адил эрхээ эдэлж, цагдан хорихыг өөрчилж өгнө үү гэсэн хүсэлтэй байна. 100 гаруй хавтаст хэрэгтээ танилцаж амжихгүй байна. Сүүлийн 3-4 сар цааснаас салахаа больсон.Тийм учраас үнэхээр гэм буруутай гэж шилжсэн тохиолдолд зайлшгүй танилцах боломжоор намайг хангаж өгөөч” гэлээ.