“Багш нар цалингаа нэмэхгүй бол ирэх сарын 5-наас ажил хаялт хийнэ” гэж  мэдэгдээд буй.  Энэ талаар БШУ-ын сайд  Л.Энх-Амгалан мэдээлэл өглөө.

          Тэрбээр “Ажил хаялт гэдэг чинь өөрөө Хөдөлмөрийн хуулийн зохицуулалттай. Засгийн газартай гурван талт хэлэлцээр хийсэн  байгууллага нь Монголын үйлдвэрчний эвлэл юм.   Ажил хаялт зарлаж буй  эвлэлтэй бид хэлэлцээр хийхгүй. Хамгийн сайн багш хамгийн сайн цалинг авах ёстой. Тэрнээс хавтгайруулж цалин нэмж болохгүй. Багш нарын цалин төрийн үйлчилгээний салбарын цалингийн дээд зэрэгт хүрсэн. Цаашдаа багш нар өөрийгөө хөгжүүлж, гүйцэтгэлээрээ өндөр цалин авах боломжтой.  Хөнжлийнхөө хэрээр хөлөө жий гэж үг бий. Улсын төсөв гэдэг чинь хязгаартай” гэлээ.