Увс аймгийн ИТХ-ын дарга Ц.Батболдтой холбоотой бичлэг цахим сүлжээнд цацагдаад байна. Тодруулбал, “Увс аймгийн ИТХ-ын дарга Ц.Батболд тайчих баарнаас гарч яваад баригдлаа” гэх тайлбартайгааар уг бичлэгийг цахим сүлжээнд байршуулжээ.

Энэ талаар Увс аймгийн ИТХ-ын дарга Ц.Батболдтой холбогдож, тодрууллаа. Тэрбээр “Уг бичлэгийг Увс аймгийн төвд хийсэн байна лээ. Тухайн үед би согтуу байгаагүй. Нутгийн зөвлөлийн дарга Төгсбаяр ирээд, өөрийн эзэмшлийн үйлчилгээний газартаа уулзалт хийсэн юм. Уулзалтад оролцоод гараад ирэхэд л ийм бичлэг хийчихсэн байна лээ. Наадах чинь хоёр жилийн өмнөх үйл явдал байгаа юм. Тухайн үед би согтуу байгаагүй. Хажууд олон хүн хараад зогсож байсан шүү дээ. Тухайн үйлчилгээний газар нь баар биш, зочид буудал, ресторан юм байна лээ. Ямар шалтгаанаар намайг бичиж, цахим сүлжээнд цацаж байгааг мэдэхгүй байна” гэв.