• Өнөөдөр 2026-09-07

Ингэний сүү боловсруулах үйлдвэрийг энэ онд ашиглалтад оруулахаар ажиллаж байна

2023-09-21,   1059

Монгол Улсын Ерөнхий сайд Л.Оюун-Эрдэнэ, Монгол Улсын Шадар сайд С.Амарсайхан болон УИХ, Засгийн газрын бусад гишүүн Баянхонгор аймагт ажиллаж буй. Энэ үеэрээ тус аймагт баригдаж буй Дулааны цахилгаан станц болон шинэ суурьшлын бүс байгуулах төслийн ажлын явцыг газар дээр нь шалгалаа. 

БНСУ-ын экзим банкны хөрөнгө оруулалтаар манай улсын 10 аймагт ДЦС барьж байгаагийн нэг нь Баянхонгор аймаг. Тус аймагт барьж буй ДЦС-ын барилга угсралтын ажлын энэ оны төлөвлөгөө 87 хувийн гүйцэтгэлтэй байгаа бол нийт барилга угсралтын ажил 35 хувийн гүйцэтгэлтэй байна. Барилгын ажлыг ирэх оны хоёрдугаар улиралд дуусгахаар төлөвлөөд байгаа юм.
 
Баянхонгор аймаг нь 320 га талбайд шинэ суурьшлын бүс байгуулахаар ажлаа эхлүүлээд буй бөгөөд үүнд 2126 өрхийн 7441 хүн ам суурьших ба Засаг захиргаа, нийгмийн үйлчилгээний барилга байгууламж,  амины орон сууц болон нийтийн орон сууцны барилга байгууламжуудыг барихаар төлөвлөөд байна. Энэ ажлын хүрээнд мах ногооны 1000 тонн зоорийн барилга барьж буй бөгөөд энэ оны арванхоёрдугаар сард ашиглалтад оруулах аж. 
 
Тус аймгийн хувьд 45-50 мянган тэмээтэй бөгөөд ингэний сүүг боловсруулж, экспортод гаргах зорилго дэвшүүлэн,  Ингэний сүү боловсруулах үйлдвэрийг барьж буй. Уг үйлдвэрийн барилгын ажлыг арваннэгдүгээр сард дуусгаж, ашиглалтад оруулахаар ажиллаж байна. Энэ үеэр орон нутгийн удирдлагууд нутагтаа ингэний 30-40 ферм байгуулахаар төлөвлөж буйгаа илэрхийлээд, Ерөнхий сайд Л.Оюун-Эрдэнээс дэмжиж ажиллахыг хүслээ.

Ингэний сүү боловсруулах үйлдвэрийг энэ онд ашиглалтад оруулахаар ажиллаж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.