Хөдөлмөр нийгмийг хамгааллын сайдаар Х.Булгантуяаг сэлгэн томилохоор болжээ. Харин Боомтын сайдаар МАН-ын гишүүн Б.Тулгыг томилохоор болсон гэнэ. Өөрөөр хэлбэл, Боомтын сайд Х.Булгантуяад Хөдөлмөр нийгмийн хамгааллын яамыг удирдуулахаар болжээ. Тэрбээр өнгөрсөн нэгдүгээр сард буюу гурван сарын өмнө Боомтын сайдаар томилогдсон юм. Харин одоо Засгийн газрын гишүүдийн саналаар ХНХЯ-ыг хариуцаж ажиллахаар болсон бололтой.

Уг асуудлыг өнөөдөр УИХ-ын чуулганаар хэлэлцэж, шинэ сайд нараар тангараг өргүүлнэ гэнэ. Ташрамд дурдахад, ХНХ-ын сайдаар ажиллаж байсан УИХ-ын гишүүн Т.Аюурсайхан нүүрсний хулгайн хэрэгт холбогдож, өөрийн хүсэлтээр сайдын суудлаасаа чөлөөлөгдсөн юм.