• Өнөөдөр 2024-03-29

МОНГОЛ АРДЫН НАМЫНХАН АРД ТҮМНЭЭС АЙХААРАА Л АРДЧИЛСАН НАМЫНХНЫ БАРААГ ХАРДАГ

   -МАН-ЫНХАН АРДЧИЛСАН НАМЫНХНЫГ ОЙРХОН ГҮЙЛГЭЖ БАЙГААД Л АМИНД ТУЛСАН ҮЕДЭЭ БАРИАД, БАРИАД АВЧИХДАГ-

    Монгол ардын намынхан үе, үе үнхэлцгээ хагартал айна. Сүүлийн өдрүүдэд МАН-ынхан ард түмнээсээ хамгийн их айж, сандарч байгаа улс. Ерөнхий сайд нь хүртэл хуучин сайд нартайгаа нүүр тулчих вий гэж айж, зугтаад л байх газраа олж ядаж байгаа гэх. Тиймдээ ч "Бүх сайдаа намынхнаасаа сонгоно" гээд тэр чигтээ улайраад, дайрчихаж чадахгүй бөмбөгнөж байгаа юм билээ.  Аргагүй дээ баталсан хуулиасаа биш юм аа гэхэд ард түмнээсээ хааяа ч болов айж, чичирч байх хэрэгтэй. Энэ нь МАН-ынханд төдийгүй төрд эрх барьж буй хүн бүрд тийм ч муу, сөрөг үзэгдэл биш болов уу. Магадгүй МАН-ынхан Ардчилсан намынхныг заавал хэн нэгэнд, хэсэг бүлэг хүмүүст, олон нийтэд таалагдаж, тал засахдаа ашиглаж, багажаа болгодог байна. Тиймээс Ардчилсан намыг хол хөөж чадахгүй, ойрхон гүйлгэж байгаад л аминд тулсан үедээ бариад, бариад авчихдаг бололтой дог. Хэрвээ дан дээлтэй сайд нарыг давхар дээлтэй гишүүдээр солихоор болвол Ерөнхий сайд Л.Оюун-Эрдэнэ Ардчилсан намынхнаас заавал ганц, хоёр гишүүн татаж, чангааж оруулж ирээд сайдын суудалд залах болов уу гэсэн хүлээлт олон нийтэд бий. Тэгэхгүй бол монголчууд Л.Оюун-Эрдэнийг намтай нь хамт хэмлэдэгээрээ хэмлэж, зэмлэдэгээрээ зэмлэнэ биз. Үүнийгээ ч өөрсдөө мэдэж байгаа нь гарцаагүй. Улстөрчдын бүлэг тодорхой болж, нэгнийхээ өрөөнд бөөгнөрч байгаа энэ цаг үед Ардчилсан намаас хэн нь, аль бүлэгийн хүн надад, манайд хэрэгтэй вэ гэдгээ ч тооцоолчихсон бэлэн байгаа байх.

МОНГОЛЧУУД ҮНДСЭН ХУУЛИА САЙДЫН СУУДАЛ ГОРЬДСОН ХЭДХЭН ХҮНД БҮР МӨСӨН АЛДЛАА

       Ингээд сайдын суудалд горилогчид тун богинохон хугацаанд Үндсэн хуулийн цэцээр ард түмний дундаас гарсан нийгмийн гэрээг өөрчилж, систем, хяналт, тэмцэлийн том аюул нүүрлэж байгаа. Үндсэн хуулийн цэц долоо хоногийн дотор нийгмийн хэлэлцээр, улс төрийн системийг эвдэж байгаа цаад хор уршиг нь хэдэн сайд солигдохоос хэд дахин аюултэй. Тухайлбал, Монгол Улсын хуулийн заалтыг хэзээ ч хамаагүй Үндсэн хуулийн цэцийнхэн өөрчилж, нэмж, хасдаг муу зан суучихаж байгаа юм. Уг нь 2019 онд Үндсэн хуульд нэмэлт өөрчлөлт оруулсан. Ингэхдээ бүртгэлтэй бүх нам, ард түмнээс санал асууж, хэчнээн хоног хуралдаж, нийгмийн бүх түвшинд зөвшилцөж байгаад Үндсэн хуулийг өөрчлөх шийдвэрээ гаргасан байдаг.

       Тухайн үед Ерөнхий сайд танхимаа өөрөө томилох, УИХ-аас хараат болж, төсвийн зарцуулалтаа хийж чаддаг боллоо гэдгийг олон нийтэд мэдээлж байсан юм. Гэтэл өнөөдөр ард түмэн Үндсэн хууль гэх хамгийн том өмчөө Үндсэн хуулийн цэцээр дамжуулж, хэдхэн сайдад, тэдний албан тушаалын төлөөх тэмцэл, шуналыг гүйцэлдүүлэхээр алдчихаад, муу царайлаад сууцгааж байна.


МОНГОЛ АРДЫН НАМЫНХАН АРД ТҮМНЭЭС АЙХААРАА Л АРДЧИЛСАН НАМЫНХНЫ БАРААГ ХАРДАГ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2022-08-25 12:28:38
    ө: мангартуулахад амархан байдаг л даа....эхнээс нь харж байгаа биздээ
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188