Америкийн “Ancestry” гэх угийн бичгийн бүртгэлийн компаниас дуучин Тейлор Свифтийг нэрт яруу найрагч Эмили Дикинсонтой ураг төрлийн холбоотой гэж мэдээлжээ.

Тухайлбал, “Ancestry” компаниас “Дуучин Тейлор Свифт яруу найрагч Эмили Дикинсоны зургаа дахь үеийн үеэл нь. Тэд хоёул 17 дугаар зууны үед Америкт ирж суурьшсан англи цагаачаас гаралтай” хэмээн мэдэгдсэн байна.

                          1830 онд Америкийн Массачусетс мужийн Амхерст төрсөн яруу найрагч Эмили Дикинсонг утга зохиолын олон үеийн шүүмжлэгчид Америкийн яруу найрагт үнэ хувь нэмэр оруулсан гайхалтай яруу найрагчдын нэг хэмээн тодотгодог бөгөөд нэрт яруу найрагч амьд ахуй цагтаа нэрээ нууцлан уран бүтээлээ олонд хүргэдэг байсан гэдэг. Тэгвэл яруу найрагчтай ойрын садан гэгдэж буй дуучин Тейлор Свифт уран бүтээлээ ч Эмили Дикинсонтой холбож байсан талаар мэдэгдсэн аж. Жишээлбэл, Тейлор Свифт ес дэх студийн цомог “Evermore”-оо Эмили Дикинсоны төрсөн өдрөөр буюу арванхоёрдугаар сарын 10-нд гаргаж байжээ. Мөн Тейлор Свифт хэд хэдэн хэвлэлд өгсөн ярилцлагадаа яруу найрагч Эмили Дикинсоноос эш татаж ярьж байсныг дурдсан байна.