Оскарын дөрвөн удаагийн шагналт, Холливудын нэрт жүжигчин Кристиан Бэйл гэргийн хамт 12 асрамжийн газар барих төлөвлөгөөгөө танилцуулжээ.

Тодруулбал, Кристиан Бэйл гэргий Сиби Блазичийн хамтаар АНУ-ын Калифорни мужийн Лос-Анжелес хотоос зүүн хойд зүгт байрлах шинэ тосгонд хүүхдүүдэд зориулсан асрамжийн газар, төв байгуулахаар болсон байна. Төлөвлөгөөгөөр шинэ тосгонд нийт 7000 ам метр талбайтай олон нийтийн төв, 12 асрамжийн газар, хүүхдүүдийг бие даан амьдрахад туслах зорилгоор хоёр студийн байр бүтээн байгуулах гэнэ. Урьдчилсан тооцоогоор хосуудын бүтээн байгуулалтын ажил 2025 он гэхэд дуусах төлөвтэй байгаа бөгөөд нийт 22 сая ам.долларын өртөгтэй аж.

                      Ташрамд дурдахад, “Batman”, “American Psycho” зэрэг кинонд бүтээсэн дүрээрээ үзэгчдийн хайр, хүндэтгэлийг хүлээсэн Оскарын шагналт жүжигчин Кристиан Бэйл гэргий Сиби Блазичтайгаа ханилаад 24 жил болж байгаа бөгөөд хоёр хүүхдийн эцэг, эх болсон. Харин хосууд 2005 онд анхны хүүхэд нь төрснөөс хойш олон нийтийн үйл ажиллагаанд идэвхтэй оролцож, хүүхдийн төлөө бүтээн байгуулалтын ажил хийх болжээ.