АНУ болон Европын холбоо сөрөн хүчний удирдагч Алексей Навальныйг хордуулж, шоронд хорьсон гэх үндэслэлээр ОХУ-ын эрх баригчдад хориг тавьжээ.

Хуульч, блоггер Алексей Навальныйг өнгөрсөн жил онгоцонд Новичокоор хордуулсан нь тогтоогдсон бөгөөд Алексей Навальный энэ хэрэгт Ерөнхийлөгч Путинийг буруутгаад байгаа юм.

АНУ-ын тагнуулын албаныхан Навальныйг хордуулсан хэрэгт Москва хотын Засгийн газар холбоотой хэмээн дүгнэсэн байна.

Энэхүү хоригийг ОХУ-ын эрх баригч долоон хүн, Хими, биологи үйлдвэрлэлийн 14 аж ахуйн нэгжид тавьж буй бөгөөд АНУ дахь хөрөнгийг битүүмжилсэн байна. Хориг тавьсан хүмүүс дунд тагнуулын байгууллагын толгойлогч Александр Бортников, Батлан хамгаалахын орлогч сайд Алексей Криворучко, Павел Попов нар багтжээ.

АНУ-ын Ерөнхийлөгч Жо Байден анх удаа ОХУ-д хориг тавьж байгаа бөгөөд Ерөнхийлөгч асан Дональд Трампаас илүү хатуу байр суурьтай байна.   

Эх сурвалж: moscowtimes, bbc