Бүгд Найрамдах Индонез Улсын Ерөнхийлөгчийн сонгуульд Батлан хамгаалахын сайд Прабово Субианто ялалт байгуулжээ. Тодруулбал, тус улсын Батлан хамгаалахын сайдаар ажиллаж байсан Прабово Субианто ээлжит Ерөнхийлөгчийн сонгуульд нийт 96 сая санал авч, 59 хувийн саналаар ялалт байгуулсан талаар Индонезийн Сонгуулийн ерөнхий хорооноос албан ёсоор мэдээлсэн байна. Харин түүнтэй өрсөлдсөн Аниес Басведан 25 хувь, Ганжар Праново 16 хувийн санал авсан аж.

Ерөнхийлөгчөөр сонгогдоод байгаа Прабово Субианто нь Индонезийн барууны үзэл суртлыг баримтлагч Гериндра намын гишүүн бөгөөд Батлан хамгаалахын сайдаар ажиллаж буй. Тэрбээр Засгийн газрын сайдаар ажиллах хугацаандаа хүний эрх зөрчсөн байж болзошгүй хэрэгт холбогдоод байсан юм.