ОХУ-ын Ерөнхийлөгчийн сонгуульд Владимир Путин ялалт байгуулж, тав дахь удаагаа Ерөнхийлөгчөөр сонгогдлоо. Тодруулбал, энэ удаагийн ОХУ-ын Ерөнхийлөгчийн сонгуульд Либерал ардчилсан намаас Леонид Слуцкий, Оросын Коммунист намаас Николай Харитонов, Шинэ Ард намаас Владислав Даванков, одоогийн Ерөнхийлөгч Владимир Путин бие даан нэр дэвшсэн бөгөөд 87 хувийн саналаар ялалт байгуулсан байна. Ингэснээр тав дахиа ОХУ-ын Ерөнхийлөгчөөр сонгогдсон Владимир Путин 2030 он хүртэл тус улсын төрийн тэргүүнээр ажиллах болов.

Ташрамд дурдахад, В.Путин 2000 оны Ерөнхийлөгчийн сонгуульд 53.4 хувь, 2004 онд 71.9 хувь, 2012 онд 63.6 хувь, 2018 онд 76.6 хувийн саналаар ялалт байгуулж байсан аж.