Дотоод хэргийн их сургуулийн багш, ажилчдын сууж явсан автобус Сонгинохайрхан дүүргийн нутаг, Ар гүнтэд 2019 оны аравдугаар сарын 19-нд  осолдож, долоон хүн нас барсан хэрэг гарсан. Тухайн үед автобусанд явсан 20 гаруй хүн бэртэж, ГССҮТ-д хүргүүлэн эмчлүүлж байв. Мөрдөн шалгах явцад автобусны жолооч согтууруулах ундаа хэрэглээгүйг тогтоож, бүрэн бус тээврийн хэрэгслийг хөдөлгөөнд оролцуулснаас осол гарсан гэж үзсэн байдаг. Тус осолд ДХИС-ийн Авто хэсгийн дарга И. Баяржаргал, Автобусны жолооч Б.Энхбат нарыг Тээврийн прокурорын газраас яллагдагчаар татаж шүүхэд шилжүүлсэн байна. ДХИС-ийг иргэний хариуцагчаар татаж, амиа алдсан иргэдийн ар гэрийнхэн болон гэмтэж бэртсэн иргэдэд нөхөн төлбөр гаргуулах үндэслэлтэй гэж прокурорын байгууллаагаас үзжээ. Уг хэргийг Сонгинохайрхан дүүргийн Эрүүгийн хэргийн анхан шатны шүүхэд өнөөдөр шийдвэрлэхээр товлосон боловч цар тахлын улмаас тавдугаар сарын 10-н хүртэл хойшлогдсон байна.