Завхан аймгийн Баянхайрхан суманд дөрвөн настай хүүхэд мориноос унаж нас барсан гэх харамсалтай хэрэг гарчээ. Хэргийн талаар Баянхайрхан сумын Засаг даргын орлогчоос тодруулахад “Өнгөрсөн бямба гарагт манай сумын Төөнөт багийн малчин дөрвөн настай хүүхдээ үхэрт явуулснаас болж дээрх харамсалтай хэрэг гарсан. Урьдчилсан байдлаар уруу газар явж байхдаа мориноосоо унаж, чирэгдэхдээ хад, чулуунд толгойгоо цохиж, нас барсан байж болзошгүй байгаа. Хүүгийн цогцсыг задлан шинжилгээнд оруулсан. Шинжилгээний хариу 14-21 хоногийн дараа гарна. Манай суманд ойрын хугацаанд хурдан морины уралдаан болохгүй. Хуулийн хугацаанд буюу тавдугаар сарын 10-аас эхэлнэ” гэв.