Монгол Улсын Ерөнхийлөгчийн хятадаар ярьж байгаа бичлэг олон нийтийн сүлжээнд цацагдсан. Энэ талаар Ерөнхийлөгчийн Тамгын газрын Хэвлэл мэдээллийн албаны дарга Ө.Золбаяраас тодрууллаа.

      Тэрбээр “Ерөнхийлөгч саяхан олон улсын хуралд цахимаар мэндчилгээ дэвшүүлсэн юм. Гэтэл Хятадын “Талын дуу хоолой” хэмээх радио апплейкшн ашиглаж, Ерөнхийлөгчийн мэндчилгээг хятад руу хөрвүүлсэн байна. Бид Гадаад харилцааны яамаар дамжуулан радиогийн хамт олныг залруулга хийхийг шаардсан хүсэлт явуулах гэж байна. Залруулга хийхгүй бол олон нийтэд буруу ойлголт, мэдээлэл өгч байна. Бид Ерөнхийлөгчийн Монголоор ярьсан мэндчилгээг удахгүй олон нийтийн сүлжээнд байршуулна. Монгол Улсын Ерөнхийлөгч олон улсын хуралд зөвхөн монгол хэлээр мэндчилгээ дэвшүүлдэг” гэлээ.