Интерполоор олон улсын хэмжээнд эрэн сурвалжилж байсан Б гэгчийг баривчилж, Монголд авчирчээ. Тодруулбал, Б гэгч нь таслах сэргийлэх арга хэмжээг зөрчиж, 2021 оны зургадугаар сарын 21-ний өдөр Сэлэнгэ аймгийн Алтанбулаг авто замын боомтоор ОХУ руу оргож, хойд хөршөөс БНТУ-ын Истанбул хот руу зугтаад байжээ. Улмаар Б гэгчийг Засгийн газрын “5Ш” ажиллагааны хүрээнд БНТУ-ын гадаадын иргэдийн асуудал хариуцсан албаар дамжуулан Истанбул хотоос баривчилжээ.

Иргэн Б-г энэ сарын 19-ний өдрийн нислэгээр Монголд авчирч, Хөвсгөл аймгийн Мөрөн суманд хуяглан хүргэж, тус аймаг дахь ШШГГ-ын харьяа цагдан хорих байранд хорьж, мөрдөн шалгах ажиллагаа явуулж байгаа аж.