• Өнөөдөр 2022-11-27

Д.ОЧГЭРЭЛ: Хүний амь, хулгай, хүчингийн хэрэгт холбогдсон 106 оргодлыг илрүүлж, цагдан хорьсон

2022-09-30,   180

    Эрүүгийн цагдаагийн албанаас цаг үеийн нөхцөл байдлын талаар мэдээлэл өглөө. Энэ үеэр Эрүүгийн цагдаагийн албаны Эрэн сурвалжлах хэлтсийн дарга, хурандаа Д.Очгэрэл “Есдүгээр сарын 12-нөөс өнөөдрийг хүртэл 54 оргодол этгээдийг олж тогтоосон байна. Үүнд иргэний эрх, шүүхийн шийдвэр гүйцэтгэхээс зайлсхийсэн этгээд 29, тэнсэх албадлагын арга хэмжээ авах этгээд нэг торгох ялаар шийтгэгдсэн этгээд нэг, нийтэд тустай ажил хийлгэхээр шийтгэгдсэн этгээд нэг, зорчих эрхийг хязгаарлах ял буюу цахим бугуйвч зүүсэн 19 этгээдийг олж тогтоосон. 2017 оноос зөрчих эрхийг хязгаарлах ялтай 117 этгээд оргон зайлснаас 100 этгээдийг олж, 17 хүнийг эрэн сурвалжилж байна. Цагдаагийн Ерөнхий газраас эрэн сурвалжилж байсан 1017 хүн, эд, мал зүйлсээс 106 оргодол, гэмт хэрэгт татагдсан 658, сураггүй алга болсон 91 этгээд олдсон. Тухайлбал, Баянхонгор аймагт хүн амины хэрэгт эрэн сурвалжлагдаж байсан Батжаргалын энэ 16-нд олж тогтоосон. Бага насны хүүхдийг хүчиндэх хэрэгт холбогдсон Амартүвшин гэгчийг энэ сарын 14-нд олсон. Сүүлийн үед цахим гэмт хэрэг их гарч байгаа. Цахим орчинд “Байр түрээслэнэ” хэмээн зар байршуулж, найман удаа цагдаагийн газраас эрэн сурвалжлагдаж байсан Ганзориг гэгчийг энэ сарын 16-нд олж, шалгаж байна. Мөн цахим орчинд “Автомотоцикл зарна” хэмээх зар байршуулж, удаа дараа бусдыг залилж таван цагдаагийн хэлтсээс эрэн сурвалжлагдаж байсан Дамдин гэгчийг олж тогтоосон байна. 15 удаагийн үйлдлээр бусдын орон байрнаас их хэмжээний зүйл хулгайлсан Улсболдыг цагдан хорьж байна. Мөн энэ онд хэн болох нь тогтоогдоогүй таван цогцсыг хэн болохыг нь тогтоосон” гэлээ.


Д.ОЧГЭРЭЛ: Хүний амь, хулгай, хүчингийн хэрэгт холбогдсон 106 оргодлыг илрүүлж, цагдан хорьсон
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188