• Өнөөдөр 2022-01-22

Долоон удаагийн давтан хэрэгтэй бүлэг малын хулгайчийг баривчилжээ

2021-10-22,   2261

          Нийслэлийн Налайх дүүргийн нутаг дэвсгэрээс өчигдөр буюу аравдугаар сарын 21-ний 22:00 цаг орчимд Эрүүгийн цагдаагийн алба, Төв, Хэнтий аймаг дахь цагдаагийн газар, Налайх дүүрэг дэх цагдаагийн хэлтсийн алба хаагчид бүлэг малын хулгайчийг баривчилжээ. Тодруулбал,  сэжигтэн А, Д, М, А, Б нарыг зургаан бод мал хулгайлж, автомашинаар тээвэрлэж явах үед нь баривчилсан байна.

Сэжигтнүүд өмнө нь 2-7 удаагийн мал хулгайлах хэргээр ял эдэлж байсан бөгөөд 10 хоногийн өмнө Хэнтий аймгийн Дэлгэрхаан сумын нутаг дэвсгэрээс бусдын есөн үхрийг хулгайлж, нядалж зарсныг нь урьдчилсан байдлаар тогтоогоод байгаа юм.

Иймд хүйтний улирал эхэлж, иргэд идшээ бэлтгэх энэ цаг үед малын хулгайн гэмт хэрэг өсөх чиг хандлагатай байдаг тул мал бүхий иргэд Та бүхэн өөрсдийн эд хөрөнгө, цаашлаад үндэсний баялаг болсон мал сүргээ байнгын хариулга, маллагаатай байлгахыг цагдаагийн байгууллагаас анхааруулж байна.

 


Долоон удаагийн давтан хэрэгтэй бүлэг малын хулгайчийг баривчилжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188