Хагийн Хар нуурын чиглэлд өнгөрсөн зургадугаар сарын 15-нд самар түүхээр явсан иргэн сураггүй алга болжээ. Тодруулбал, Багануур дүүргийн харьяат хоёр иргэн Төв аймгийн Эрдэнэ сумын төвөөс хойш 110 километр газарт самар түүхээр явжээ. Улмаар тэдний нэг болох 47 настай эрэгтэй М  зургадугаар 20-нд гэр рүүгээ буцахаар яваад сураггүй алга болсон байна.

Төв аймгийн цагдаагийн газраас Онцгой байдлын газарт зургадугаар сарын 28-нд эрэн хайх ажиллагааг хамтран зохион байгуулах хүсэлт тавьж, ар гэрийнхний хамт эрэн хайжээ. Долдугаар сарын 1-нийг хүртэл хайсан боловч үр дүнд хүрээгүй тул ар гэрийнхэнтэй нь зөвшилцсөний үндсэн дээр өчигдөр 09:00 цагт эрлийн ажиллагааг зогсоосон байна.