Цэргийн алба цэцэрлэг байж болохгүй. Тодорхой хэмжээний дэг ёс байх ёстой. Мэдээж яргалал байх ёсгүй. Хуучин цагт цэрэг нь цэргээ зоддог гэж дуулддагсан. Гэтэл 2021 онд офицер нь цэргээ зодоод амь насыг нь хохироосон хэрэг гарч байв. Энэ нь хуучны үеэс байдал улам муудсан гэсэн үг. Нэг үгээр бол офицеруудын ёс суртахуун доройтжээ. Цэрэгт залуус баян айлын малын хашаанаас дор байранд байрлаж, өвөл нь даарч, элдэв ханиад тусдаг байна. Ерөөсөө цэрэгтэй зүй бусаар харьцах, амьдрах орчин нөхцөлд нь анхаарахгүй байх асуудал бол захирагч, удирдлагаас шалтгаалж буй хэрэг. Энэ цэрэг харьцааны зөрчил гаргаж байна, хоорондоо харьцааны зөрчилд орж байна, дарга цэргийн хооронд зөрчил үүсэж байна гэдэг нь сахилгын асуудалтай холбоотой. Гэтэл цэргүүдийг ёс, суртахуун сахилга батад сургах ёстой офицерууд нь боловсролгүй байх олонтой аж. Тухайлбал, бие том, хэнийг ч араа шүдэндээ зууж, дэглэж чадах залуус цэргийн сургуульд суралцсан болоод л шууд офицер болон цэргийн ангид хуваарилагддаг байна. Ямар нэг ёс суртахууны хичээл бүү хэл, ганц удаагийн лекцэд сууж үзээгүй тэд ардын хүүхдийг тамлах нь мэдээж.

          Цэргийн дэглэлтийг бууруулж, амьдрах орчинг нь сайжруулъя гэвэл сайд дарга нарын хүүхдийг цэрэгт татах нь зүйн хэрэг. Хүүхдээ цэрэгт өгсөн дарга цэргийн байр, сав, дэглэлтэд анхаарч ямар нэг арга хэмжээ авах нь мэдээж. Тиймээс дүйцүүлэх албийг больж, сайд дарга нарын хүүхдийг цэрэгт татдаг болъё.

              Цэрэгт залуусын гадаад хэл, техник, технологийн боловсролд нь анхаардаггүй юм аа гэхэд ядаж жолооны сургалтад хамруулж, амьдралтай хандмаар байна. Өөрөөр хэлбэл, орчин цагт нийцсэн сургуулилалтаар хэдэн цэргээ хүмүүжүүлмээр байна. Өнгөрсөн зууны армийн дэг, жаягаар өнөөгийн залуусыг сургаж, дэглэх боломжгүй болсон гэдгийг хэчнээн цэргийн амиар ойлгох юм бэ. Дээрх өчнөөн жишээ хангалттай биш гэж үү. Энэ байдлыг засаж, сайжруулахгүй л бол хүүгээ цэрэгт явуулах хүнгүй болно. Сүүлдээ “Хүүгээ цэрэгт бүү явуул” гэх уриалга хүртэл гарч байгаа нь зүгээр ч нэг уриалга биш. Цэргийн армид үзүүлж буй маш том анхааруулга болж байна.

 яргалагч нарыг даруй явуулж, сэтгэл зүй, ёс зүйг нь засаж, сайжруулах цаг хэдийнэ иржээ

          Цэргүүдийн нэгнийгээ хөнөөдөг, амиа хорлодог асуудал ердөө л дарга нарын дарамт, зодуур, яргалал, тамлал, сэтгэл санааны хүчирхийлэлээс үүдэлтэй байдгийг өмнөх олон жишээ харуулдаг. Дарга нар нь цэргүүдийнхээ хоолноос хүртэл хумсалдаг, мөнгийг нь хувьдаа завшиж, хоолыг нь зардаг, цэргүүдээ архины мөнгө өг, архи олж ир гэж дарамталдаг асуудал байдгаас хамаг хэрэг үүсдэг шүү дээ. Гэтэл салбарын сайд нь “Та нар цэргийн амьдрал мэдэхгүй байна” гээд уурлаж байхынхаа оронд армийн хэдэн дарга нарын дунд хяналт шалгалт хийж, дарамтлагч, яргалагч нарыг даруй явуулж, сэтгэл зүй, ёс зүйг нь засаж, сайжруулах цаг хэдийнэ иржээ.

Мөнгөтэй, ар талтай айлын хүүхдүүд цэрэгт явдаггүй байдлыг халж, дүйцүүлэх албийг хэрэгжүүлэх зогсооё

             Сүүлийн хоёр жилийн хугацаанд золгүй байдлаар амиа алдсан цэргийн алба хаагчдын хэрэг олон гарсан байна. Угтаа бол энх цагт амиа алдсан алба хаагчдын тоо ийн өсөж байгаад анхаарал хандуулж, хариуцлага ярих цаг болсон гэдгийг дээрх хэдхэн жишээ харуулж байна. Тиймээс цэргийн анги, цэргүүдийн байрлах байр, орчныг нэн тэргүүнд сайжруулах ёстой болжээ. Мөн дэглэлтийг халж, ёс суртахуунтай шинэ зууны цэргүүдийг бэлтгэх цаг хэдийнэ иМөнгөтэй, ар талтай айлын хүүхдүүд цэрэгт явдаггүй байдлыг халж, дүйцүүлэх албийг хэрэгжүүлэх зогсооёрсэн байна. Үүнээс гадна ардын хүүхдийг алга үзэхгүй цэрэгт татдаг болох нь зүй. . Нэг үгээр бол сайд дарга нарын хүүхдийг цэрэгт татдаг болъё.