БОЛОВСРОЛЫН САЙД АСАН Ё.ОТГОНБАЯРЫН ШАДАР ТУСЛАХУУД ШАТАХУУНЫ ХОМСДЛЫГ ЦЭГЦЭЛЖ ЧАДАХ УУ

Б. Цогтбаяр:
Эрэн сурвалжлах

2025-10-28, 493

Шатахуун түгээх станцууд дээр шар нь ассан машинууд хонон, өнжин оочерлосоор хагас сар боллоо. Оочероо булаацалдсан жолооч нар хоорондоо хэрэлдэх, заамдалцаж зодолдох нь хэвийн үзэгдэл болов. Улаанбаатарын гудамжаар хаа сайгүй унтарсан машинаа чирч, гулдарсан жолооч нар. Хөдөө хээр шатахуунгүй саатаж, хөлдөж осгох дөхсөн тохиолдлууд ч гарч байна. Шагчид нэг литр шатахууныг 10 мянган төгрөгөөр зарж, зуд болоход нохой зоолдог хэлц бодитоор хэрэгжиж байна. Атал, Аж үйлдвэр, эрдэс баялгийн сайд Г.Дамдинням “Өчнөөн вагон бензин бууж байна, өнөө оройдоо хэвийн болчихно. Хар амиа бодож, хий хомсдол үүсгэж, банкаа дүүргэхээ больцгоо” гэх яг ижил тайлбарыг өдөр тутам өгсөөр.

Тэгвэл Аж үйлдвэр, эрдэс баялгийн сайд Г.Дамдинням хагас сарын өмнө буюу шатахуун хомсдож эхлэхтэй зэрэгцээд Ашигт малтмал, газрын тосны газрын даргаар Пүрэвжавын Баянбаатар гэх залууг томилжээ. Гэтэл шатахууны эрэлт, нийлүүлэлт, борлуулалтын талаар түй ч туршлагагүй, Шихихутуг их сургуулийн багш төдийхөн намтартай П.Баянбаатар нь өдгөө шатахууны хомсдолыг арилгаж чадахгүй мунгинаж, шаварт унасан шарын эзэн хүчтэй гэгчээр Г.Дамдинням өөрөө “Өнөөдөр цэгцэрнэ, маргааш цэгцэрнэ” гэж улалзаж яваа ажээ.

Гол нь, түлш шатахууны төв байгууллага болох АМГТГ-ын дарга П.Баянбаатар нь Аж үйлдвэр, эрдэс баялгийн сайд Г.Дамдиннямын шууд хамаарал бүхий этгээд бөгөөд тиймдээ ч мэдлэг, туршлага үл харгалзан энэ албан тушаалд очжээ.

Нэгдүгээрт, Аж үйлдвэр, эрдэс баялгийн сайд Г.Дамдинням 2010 он хүртэл Боловсролын сайд Ё.Отгонбаярын туслахаар ажиллаж байсан. Шагналд нь Ё.Отгонбаярын “татаас”-аар ШУТИС-ийн Эдийн засаг, нийгмийн хөгжил хариуцсан дэд захирлаар томилогдсон. Гэвч Г.Дамдинням 2013 оны хавар Ё.Отгонбаяртай хуйвалдаж, ШУТИС-ийн оюутнуудын сургалтын төлбөрийн 60 гаруй тэрбум төгрөгийг “хүүлсэн” гэх хэрэгт нэр холбогдож, улмаар тэр даруйдаа Боловсролын зээлийн сангаас 32 мянган ам.доллар гаргуулж аваад, Канад руу гарсан түүхтэй.

Харин АМГТГ-ын даргаар томилогдоод буй П.Баянбаатарын тухайд Г.Дамдиннямын дараа буюу 2012-2016 онд Ё.Отгонбаярын туслахаар ажиллаж байсан. Өөрөөр бол, Ё.Отгонбаярын цув, цүнхийг барьж асан Г.Дамдиннямын халааг П.Баянбаатар залгамжилж авсан гэсэн үг.

Хоёрдугаарт, УИХ-ын гишүүн асан, Боловсролын сайд асан Ё.Отгонбаярын хоёр туслах болох Г.Дамдинням, П.Баянбаатар хоёр 2018 оны гуравдугаар сард “Монголын мэтгэлцээний нэгдсэн нийгэмлэг” ТББ-ыг хамтран байгуулж, хамтдаа удирдаж иржээ.

Нэгтгэвэл, Аж үйлдвэр, эрдэс баялгийн сайд Г.Дамдинням шатахууны хомсдол үүссэн, шагчид гаарсан, шар нь ассан машинуудын оочер дийлдэхээ больсон энэ хүнд цаг үеийг үл хайхран, Ё.Отгонбаяр гэх нэг “эзэн”-тэй , дундын ТББ-тай, хамаарал бүхий этгээд П.Баянбаатарыг АМГТГ-ын даргаар томилсон байна. Тэгэхээр Боловсролын сайд асан Ё.Отгонбаярын шадар туслахууд шатахууны хомсдлыг цэгцэлж чадах уу гэж асуух нь зүйн хэрэг ажээ.

БОЛОВСРОЛЫН САЙД АСАН Ё.ОТГОНБАЯРЫН ШАДАР ТУСЛАХУУД ШАТАХУУНЫ ХОМСДЛЫГ ЦЭГЦЭЛЖ ЧАДАХ УУ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2025-10-28 09:43:57

Зочин: SADARTLA SHAALGI SEKSEER BOOB XXI80955877TSAGN SEKSDEX SERELN VANXANDAAD ALNI SEKSDI80955877
Сэтгэгдэл үлдээсэн: 2025-10-28 09:34:49

зочин: Далан худалч Гонгорын хүү Дамдинням худалч байх нь аргагүй шд
Сэтгэгдэл үлдээсэн: 2025-10-28 09:15:19

Ankle: Оюутан байхын идэвхтэй, чадвартай залуу байсан. Баянаа харин ч хийчих байх шүү

Шинэ мэдээ

Нийтлэлчид