Нийслэл хотод маань зуны улирал ирж, цэцэг ногооны үзүүр цухуйгаад буй. Хөрсөн дээрээ хасах 40 градуст хүрдэг хотын иргэд магнай нь тэнийж, зусландаа буугаад байна. Үндэсний баяр наадам, аялал жуулчлал гээд олон үйл ажиллагаа ар араасаа зохион байгуулагдах төлөвлөгөө гараад буй аж. Гэвч сайны хажуугаар саар гэгчээр жил бүр нийслэлчүүдийн шүдний өвчин болоод буй үеэр усны асуудал юм. Үүнд хотын дарга Д.Сумъяабазар хэрхэн анхаарч, хэдэн төгрөгийн төсөв баталж, ямар шат дараалсан ажил хийхээр төлөвлөсөн байгаа талаар иргэд сонирхож байна.

тодорхой ямар нэг үр дүнд хүрдэггүй нь нууц биш.

              Үер, усны аюул, ослоос урьдчилан сэргийлэх арга хэмжээг эрчимжүүлж, аялал зугаалгаар явж байгаа иргэдэд санамж, сэрэмжлүүлэг, зөвлөмж тараах, гол мөрний эрсдэлтэй газруудад тэмдэг тэмдэглэгээ байршуулах, хамгаалалт тавих, Цагдаагийн байгууллагатай хамтран усны ослоос урьдчилан сэргийлэх завьт болон хөдөлгөөнт эргүүл ажиллуулах, ой, хээрийн түймрээс урьдчилан сэргийлж эрсдэлтэй газруудад аялал зугаалгыг түр хугацаагаар хязгаарлах, хяналтын цэг, хөдөлгөөнт болон морин эргүүлийг холбогдох мэргэжлийн байгууллагуудтай хамтран зохион байгуулах зэрэг арга хэмжээг жил авч ажилладаг. Гэвч тодорхой ямар нэг үр дүнд хүрдэггүй нь нууц биш.

Улаанбаатар хотын хэмжээнд үер усны аюултай бүс, голын ай сав, үерийн байгууламж орчимд аж төрж буй 2,800 гаруй өрх байна

          Улсын Онцгой комиссоос өгсөн үүргийн дагуу Нийслэлийн Онцгой комиссын орлогч дарга дүүргийн Засаг дарга нарт үерийн эрсдэлтэй бүсэд суурьшсан айл өрх, хуулийн этгээдийг нэн даруй нүүлгэх ажлыг холбогдох байгууллагууд хамтран зохион байгуулах, албан хаагчдын сахилга хариуцлагыг дээшлүүлж, хүн хүчийг богино хугацаанд гаргах бэлэн байдлыг хангуулах, болзошгүй гамшгийн хариу арга хэмжээг шуурхай зохион байгуулах, учирсан хохирлыг арилгах, үерийн улмаас бохирлогдсон гудамж, зам талбайд ариутгал халдваргүйжүүлэлтийн ажлыг зохион байгуулах, үерийн далан суваг, борооны ус зайлуулах ил, далд шугам сүлжээний цэвэрлэгээ, үйлчилгээг сайжруулан ус нэвтрүүлэх чадварыг нэмэгдүүлэх ажлыг зохион байгуулах өгдөг. Гэвч бороо орохоор үеэр болж, олон айл өрх хохирч үлддэг. Мөн жижиг дунд аж, ахуй нэгж байгууллагууд ч олноор устаж үгүй болох нь их. Энэ тал дээр жил улсаас төсөв гаргадаг боловч яагаад үр дүнд хүрэхгүй байна вэ. Тухайлбал, Улаанбаатар хотын хэмжээнд үер усны аюултай бүс, голын ай сав, үерийн байгууламж орчимд аж төрж буй 2,800 гаруй өрх байна. Тэдгээр өрхийн олонх нь зөвшөөрөлгүй бөгөөд болзошгүй аюулаас сэргийлж шилжин суурьших шаардлагыг ч үл тоон аж төрсөөр өнөөг хүрчээ. Жил бүрийн хаврын улиралд цөөнгүй айл өрх уруйн болон усны үерт автаж, булаг шанд, голын усны халиа дошин үүссэнээс болж хохирол амсдаг. Зөвшөөрөлгүй буусан айл өрхүүдийг нүүлгэн шилжүүлэх зэрэг олон асуудалд төсвөөс мөнгө зарцуулдаг боловч хаачсан нь мэдэгдэхгүй алга болдог нууц биш. Орон гэр болоод үлдсэн нялх нойтон хүүхэдтэй айлууд бүлтийтэл төр засгаа гар сунгахыг хараад гудманд гарч байна. Үүнээс үер усны аюул ихээр тохиолддог СХД 2020 онд  урьдчилан сэргийлэх ажилд 16,582,000 төсөлсөн байна. Жил бүр төсөвлөх мөнгө нэмэгдэж буй мэдээж хэрэг. Харин жилээс жилд үер уснаас болж орон гэргүй болох иргэдийн тоо олширсоор...