Х.Баттулгын МАН-д зориулсан тахимдах мэхэнд дагуулж тонгорсон У.ХҮРЭЛСҮХИЙН огцролт

Б. Цогтбаяр:
Улс төр- Анхаарлын төвд

2021-01-22, 20897

-Х.БАТТУЛГА, У.ХҮРЭЛСҮХ ХОЁРЫН ХЭН НЬ САЙН МЭХТЭЙ ВЭ-

Бид хоёрхон хоногийн дотор Засгийн газаргүй, Ерөнхий сайдгүй, Улсын онцгой комиссгүй болчихлоо. Ерөнхийлөгчгүй болох нь ч цаг хугацааны асуудал болов бололтой. Ядаж УИХ-тайгаа үлдчих юм сан даа.

Маш богино хугацаанд өрнөсөн энэ төрийн эргэлтийг учир мэдэх зарим нь Ерөнхийлөгч Х.Баттулга, У.Хүрэлсүх хоёрын тус тусдаа бичиж, найруулсан “УОКЦОР” нэртэй хоёр ангит зохиол гэж үзэж буй. Тэгвэл тэдний эл зохиолыг үйл явцаас харвал дараах байдлаар бичигдсэн болов уу.

“УОКЦОР” ЗОХИОЛ-I БУЮУ Х.БАТТУЛГЫН МАН-Д БАРЬСАН ГЭНЭТИЙН БЭЛЭГ

Ерөнхийлөгч Х.Баттулга “УОКЦОР” зохиолын эхний ангийг бичсэн бол дараах байдлаар өрнөсөн гэсэн үг.

Түүний зохиол амаржаад 10-хан цаг болж байгаа нялх биетэй эх хүүхэдтэйгээ хамт идэр есийн хүйтэнд углааш, халаадтай “Өргөө” амаржих газраас гарч ирж буйгаар эхэлж байгаа юм. Чулуун зүрхтэй биш л бол ямар ч хүний цөсийг хөөргөж, уур омгийг нь бадрааж, хорсол зэвүүцлийг нь өдөөх дүрслэл. Хөөрхий эмэгтэй ч, ХӨСҮТ-ийн эмч, жолооч хоёр ч Х.Баттулгын зохиолын гол дүр болж буйгаа мэдэхгүй байх бөгөөд “Өргөө” амаржих газрын үүдэнд олон үзэгчтэй, АН-ын угшлын эзэнтэй телевиз санаандгүй байдлаар оччихсон мэдээ бэлтгэж байх явцдаа тухайн эх, нярайг дурандаа буулгаж буйгаар найруулга хийсэн нь зохиолыг илүү бодит, итгэл үнэмшилтэй болгож өгсөн гэлтэй.

Нялх биетэй эмэгтэйг углааш, халаадтай нь зөөж буй эмч, эмнэлгийн хүнлэг бус, хэтэрхий харгис гэмээр эл үйлдлийг телевизийн мэдээгээр олж харсан ард иргэд тэр оройжин бухимдаж, Засгийн газар, Улсын онцгой комисс, тэр байтугай эрүүл мэндийн салбарыг бүхэлд нь харааж зүхэж, шөнө нь нойргүйдэж, өглөө ууртай сэрэх нь энэ зохиолын гол зангилаа болж байгаа юм. Угаас өрөвч, тэр тусмаа эх хүн, хүүхэд хоёрыг бурхан мэт шүтдэг монголчуудын сэтгэл хөдлөлийг хэрхэн өдөөж, уур бухимдлыг нь төрүүлэх вэ гэдгээ зохиогч маш нарийн мэдэрчээ. \Зохиогч энэ хэсэгт “Голомт”-ын Д.Баясгалангийн телевизийг ашиглаж, АН-ын мэдэл бүхий “Бодь таур” ресторанаас халуун аарц, кофе, цай зөөсөн нь өөрийгөө барьж өгөх үйлдэл болсон\

Зохиолын өрнөл хэсэг төв талбайд өрнөнө.

Өмнө орой нь нялх биетэй эмэгтэй, нярай хүүхэд хоёрыг нүцгэн шахуу зөөж буйг харсан ард иргэд шөнө нь нойргүйдэж, өглөө нь ууртай сэрэхийг ч зохиогч тооцоолсон нь мэдээж. Ингээд ууртай сэрсэн ард иргэд үзэл бодлоо хуваалцах гэж фэйсбүүк ортол аавуудын төлөөлөл гэх залуу эхнэрийнхээ углааш, халаадыг өмсөөд төв талбайд гараад ирчихсэн, “Эх, үр хоёрт хүнлэг бус, хэрцгий хандсан Улсын онцгой комиссыг огцруулахыг шаардаж байна” хэмээнэ.

Яг энэ хэсэг дээр зохиогч Х.Баттулга маш гайхалтай дүрийн сонголт хийснийг алга ташин сайшаах хэрэгтэй. Зохиогч зохиолынхоо өрнөл хэсгийн гол дүрээр зөвхөн фэйсбүүк хуудсандаа 61249 дагагчтай,

“Үнэн ба Зөв” намын дарга, Үндэсний шилдэг илтгэгч А.Отгонбаатар гэх залууг сонгосон, тэр тусмаа углааш, халаадтай байхаар найруулсан нь маш гайхалтай сонголт байсан. Жагсаал цуглааныг алддаггүй улс төр, нийгмийн идэвхитэй, аливаа асуудлыг шүүмжлэхдээ хэнийг ч урдаа оруулахгүй илтгэгч, басхүү үзэл бодлоо хэдхэн минутад нийгэмд түгээж чадах гол дүрд А.Отгонбаатар л төгс тохирох бөгөөд чухамдаа ийм дүрд заяагдмал, төрөлхийн өгөгдөлтэй нэгэн. Ийм ч учраас тэр АН-ын гишүүний зөвлөхөөр энэ даалгавраа биелүүлснийхээ маргааш буюу өчигдөр томилогдоод авсан.

Ажил цуглахтай зэрэгцэн төв талбайд углааш, халаадтай гарч ирсэн А.Отгонбаатар Улсын онцгой комиссыг огцруулах тухай шууд дамжуулалт хийснээр төв талбайд иргэд цуглана гэдгийг мань зохиолч ч гайхалтай тооцоолжээ. Түүний зохиолын дагуу эхчүүд, ахмадууд голдуу хүмүүс цуглах ёстой байсан ч азаар шууд дамжуулалтаараа гаршсан сошиал одууд, үг яриа, үзэл бодлоороо үеийнхнээ ч, дүү нараа ч дагуулдаг залуучууд төв талбайд гарч ирж, шууд дамжуулалт хийснээр өрнөл хэсгийг улам гайхалтай болгожээ. Энэ хэсэг магад зохиолд нэмэлтээр бичигдсэн ч байж магад. Мөн зохиогч зохиолынхоо өрнөл хэсэгт өөрийгөө ч оролцуулжээ. Тэрбээр Монгол Улсын Ерөнхийлөгчийн хувиар Засгийн газар, Улсын онцгой комисс, төрийн албан хаагчид хэтэрхий хүнлэг бус ажиллаж байгааг шүүмжилсэн нь өрнөл хэсэгтээ хүч нэмэх тавилттай дүрслэл байв.

Ингээд зохиол туйл хэсэгтээ ороход бүхий л цахим хуудас, хэвлэл мэдээллийн хэрэгслээр “УОКЦОР” гэх самбартай эсэргүүцлийн жагсаалыг шууд дамжуулах бөгөөд нар хэвийх үед төв талбайд 5000 гаруй хүн цуглаж, Улсын онцгой комиссыг огцруулахыг шаардаж байгаагаар найруулжээ.

Гол нь тэр 5000 жагсагчийн 90 хувь нь Х.Баттулгын зохиолын олны хэсэгт тоглож байгаагаа мэдэхгүй бөгөөд үнэн сэтгэлээсээ төр засагт зэвүүцэж, Улсын онцгой комиссын даргыг огцруулахыг шаардсан нь эл үйл явдал огтоос найруулгатай зохиол биш, бодит амьдрал гэж харуулах зохиогчийн шийдэл байжээ. Х.Баттулгын энэхүү зохиол энэ мэтээр гайхалтай өрнөж байтал тэр өөрөө зохиолч хүнд байж болшгүй найруулгын алдаа гаргасныг шүүмжлэхгүй өнгөрч болохгүй.

Тэрбээр зохиолынхоо тайлал хэсэгт Ардчилсан намынхныг туслах дүрээр оруулсан нь зохиолыг бүхэлд нь сүйрүүлэх шахсан.

Зохиолын төгсгөл хэсэгт Улсын онцгой комиссын дарга Я.Содбаатар, Эрүүл мэндийн сайд Т.Мөнхсайхан болон Нийслэлийн эрүүл мэндийн газрын дарга, “Өргөө” амаржих газрын дарга нар огцрох болсноо зарлаж, нялх биетэй эх, нярай хоёрыг дүн өвлөөр углааш, халаадтай гудамжинд гаргасандаа уучлал гуйсан. Төв талбайд цугласан жагсагчдын тэмцэл үр дүнд хүрснээр тэд сэтгэл өндөр гэр гэртээ харьцгаасан. Ерөнхийлөгч Х.Баттулгын зохиол ийнхүү ялалтаар төгссөн.

“УОКЦОР” ЗОХИОЛ-II БУЮУ У.ХҮРЭЛСҮХИЙН Х.БАТУЛГАД ХАРИУЛСАН ОВЖИН ТОГЛОЛТ

Ерөнхийлөгч Х.Баттулгын “УОКЦОР” зохиолын хоёрдугаар ангийг У.Хүрэлсүх овсгоотой нь аргагүй өлгөн авч, өөрөө найруулсан. Мөн гол дүрд нь ч өөрөө тоглов. Уг нь Х.Баттулгын зохиол Я.Содбаатар, Т.Мөнхсайхан болон Эрүүл мэндийн газар, эмнэлгийн захирлууд огцроод, Ерөнхий сайд У.Хүрэлсүх хариуцлагаас мултраад үлдэж байгаагаар дуусах ёстой байсан. Гэвч У.Хүрэлсүх эл зохиолыг овжин үргэлжлүүлснээрээ өөрийгөө баатар, Х.Баттулгыг дайсан болгож орхих нь тэр.

Ерөнхий сайд У.Хүрэлсүх зохиолоо тун товчхон бөгөөд хурц үйл явдалтайгаар бичсэнийг хэлэх нь зүйтэй.

Ерөнхий сайд У.Хүрэлсүхэд Ерөнхийлөгч Х.Баттулгын бичиж найруулсан “УОКЦОР” зохиол ихэд таалагдсан нь илт байсан. Чухамдаа “Сохорсон биш завшив” гэгч болсон гэх юм уу даа. Коронавирусийн цар тахлын голомт хаа сайгүй бий болчихсон, ард иргэдийн амьдрал тартагтаа тулж, эдийн засаг элгээрээ хэвтэж байгаа энэ үед У.Хүрэлсүх Ерөнхий сайдаа хийсээр байвал нэр хүнд нь унахаас хэтрэхгүй. Угаас тэр коронавирусийн эсрэг тэмцэгчийн дүрээр хангалттай нэр хүнд олсон. Харин цаашид цар тахал, түүнээс үүдэлтэй эдийн засгийн хямралаас болж, нэр хүнд нь шалдаа буутал уначихвал өнгөрсөн таван жилийн хичээл зүтгэл, амжилт, Ерөнхийлөгчийн сонгуульд өрсөлдөх амбиц нь талаар болно.

Нөгөөтэйгүүр тэр огцроод “Засгийн газрыг огцруулах зохиолыг гардан бичсэн хүн бол Ерөнхийлөгч Х.Баттулга” гээд зарлачихвал түүнд шаг тавилаа л гэсэн үг. Тиймээс нэгэнт ард иргэд “Огцор” гэж хашгирч байгааг далимдуулаад Ерөнхий сайдын суудлаасаа буух нь түүнд хамгийн ашигтай хувилбар. Яг энэ агуулгаар тэр “УОКЦОР”-ын хоёрдугаар ангийн зохиолыг бичжээ.

Тэр “Ерөнхий сайд У.Хүрэлсүх галын шугаман дунд хоёр нөхрөө орхихгүй, хариуцлага хүлээх бол танхимаараа огцорно гэж хуралдаан дээрээ ярьжээ” гэх бор шувууг Төрийн ордноос нисгэснээр зохиолоо эхлүүлсэн. Ард түмний өмнө өөрөө гарч ирэхээсээ өмнө ийм шуумыг нийтэд тарааснаар нийгмээрээ бужигнахаар найруулсан байлаа. Улмаар тэр өөрөө гарч ирээд “Эх хүнд хэтэрхий харгис хандсан төрийн албан хаагчдын өмнөөс хариуцлага хүлээж, Ерөнхий сайдын албан тушаалаасаа огцорч байна. Цаашид төрийн албан хаагчид иргэдийн өмнө алдаа гаргасан бол хариуцлага хүлээж огцордог байгаасай. Миний энэ үйлдвэр сайн жишиг болж үлдээсэй” хэмээн олон нийтэд мэдэгдэл хийсэн. Энэ бол түүний бичсэн зохиолын хамгийн сэтгэл хөдөлгөм хэсэг.

Түүнчлэн тэрбээр “Ерөнхийлөгч Х.Баттулгын санхүүжилтээр өчигдөр жагсаал боллоо. Эв нэгдлийн бэлэг тэмдэг болсон Ерөнхийлөгч хүн ийм байж болохгүй” хэмээн мэдэгдсэн нь зохиолын үйл явдлыг улам хурц болгосон юм. Ингээд чуулганыг яаралтай хуралдуулж, согтуу голцуу гишүүдийн 95 хувийн саналаар Ерөнхий сайд У.Хүрэлсүхийн Засгийн газрыг огцруулах шийд гаргасан. Ингэхдээ УИХ-ын гишүүд цөм У.Хүрэлсүхийн хийсэн, бүтээснийг нь магтан ярьсан нь хоёрдугаар ангийн төгсгөлийг гайхалтай болгож өгсөн.

Түүнчлэн У.Хүрэлсүх зохиолынхоо төгсгөлийг бүхэлд “Ерөнхийлөгч Х.Баттулга бол “УОКЦОР” зохиолын жинхэнэ зохиогч” хэмээн зарласан нь өөрт нь ялалтын амтыг мэдрүүлсэн биз ээ. Эхний ангийн зохиогч Х.Баттулгад “Жагсаал зохион байгуулсан гэж намайг гүтгэлээ. Жинхэнэ зохион байгуулагч нь Сү.Батболдын бүлэглэл” гэх өгүүлбэрээс өөр тайлбар хэлэх боломжийг У.Хүрэлсүх олгосонгүй. Товчхондоо, хоёрдугаар ангид Х.Баттулгад эсрэг дүрээс өөр дүр олдсонгүй, олох боломж ч олгохгүйгээр үйл явдлыг хурдасгажээ. “УОКЦОР” зохиолын хоёрдугаар анги ердөө л энэ. Богино хэмжээний, гэхдээ үйл явдал, өгүүлэмж сайтай. Ерөнхий сайд У.Хүрэлсүхийн хувьд “Ерөнхийлөгч огцор” нэртэй шинэ зохиол бичиж эхэлснээ зохиолынхоо төгсгөлд зарласан юм.

Монгол Улсын Ерөнхийлөгч Х.Баттулга ямар учраас эсэргүүцлийн жагсаалын зохиол бичсэнийг улс төрийн тогоонд олон янзаар тайлбарлаж буй. Тэдгээр тайлбараас хамгийн бодитой нь Стратегийн ордууд, дамаа Оюутолгойн асуудлыг МАН идэвхтэй хэлэлцэж эхэлсэн учраас хоёр сайдыг нь огцруулах замаар У.Хүрэлсүхэд цочироо өгөх зорилготой байсан гэх таамаг.

Дараагийнх нь Ерөнхийлөгчийн сонгууль ойртож байгаа учраас АН-ын хамгийн том өрсөлдөгч буюу МАН-аас нэр дэвших хамгийн боломжит хувилбар У.Хүрэлсүхийн нэр хүндийг унагах зорилготой байсан гэх таамаг байна.

Энэ таамгуудын аль нь ч байлаа Х.Баттулга, У.Хүрэлсүхийн аль нь ч энэ удаад амжилт олсонгүй. Унахдаа нэгийгээ татаад хамт ойчсон л гэсэн үг. Одоо хэн нь түрүүлж босоод, өвдөгнийхөө шороог гөвчихөөд, цааш хэрхэн гүйхийг харах л үлдлээ. Ерөнхийлөгчийн сонгуулийн ялалтын төлөө тэд өнгөрсөн таван жил гаруйн хугацаанд энэ улсын эзэн шиг, эр хүмүүс шиг гар нийлж, санаа нэгдэж асан хоршилдоо цэг тавьсан явдал л боллоо. Өнөөдрөөс эхлээд тэд олны өмнө ил цагаан зодолдоно гэдгээ зарлаж байгаа л хэрэг.

Х.Баттулгын МАН-д зориулсан тахимдах мэхэнд дагуулж тонгорсон У.ХҮРЭЛСҮХИЙН огцролт

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 38

Сэтгэгдэл үлдээсэн: 2021-01-25 22:46:36

Иргэн: Одоо улавчтай төрсөн эх хаалгаар гарч ирнэ гээд камераа шагайгаад зогсож байсан сэтгүүлч дэндүү ихийг мэдэж бна шалгах хэрэгтэй бүх юмны учир энэ сэтгүүлчид байгаа
Сэтгэгдэл үлдээсэн: 2021-01-25 22:46:04

Иргэн: Одоо улавчтай төрсөн эх хаалгаар гарч ирнэ гээд камераа шагайгаад зогсож байсан сэтгүүлч дэндүү ихийг мэдэж бна шалгах хэрэгтэй бүх юмны учир энэ сэтгүүлчид байгаа
Сэтгэгдэл үлдээсэн: 2021-01-25 22:45:42

Иргэн: Одоо улавчтай төрсөн эх хаалгаар гарч ирнэ гээд камераа шагайгаад зогсож байсан сэтгүүлч дэндүү ихийг мэдэж бна шалгах хэрэгтэй бүх юмны учир энэ сэтгүүлчид байгаа
Сэтгэгдэл үлдээсэн: 2021-01-25 22:26:32

Цагаанаа: Баттулга ерөнхийлөгч ямар ч боловсроогүй байж харин 4 жил одоо шунаад яахав дээ ихээхэн хор гутгаж өс хонзон зангидсан Монголын ард түмэн тэнэг биш ээ
Сэтгэгдэл үлдээсэн: 2021-01-25 22:18:39

Зочин: МАН авилгачдаа хамгаалах гэж эрх мэдэлд хэтэрхий их шунаж ҮХ-ын өөрчлөлт нэрийн дор бүх эрх мэдлийг өөртэй авах үйл явц явж байгаа тул ард иргэд бухимдалтай байна дээр нь оюутолгой 2050 он хүртэл монгол улсад ашиг өгөхгүй гэдгээ заралсан явдал үүнтэй уялдаад Батболд гишүүний оффшорын дуулиан зэрэг нь ард түмнийг хэзээч жагсахад бэлэн болгоод байна
Сэтгэгдэл үлдээсэн: 2021-01-25 21:38:29

Б: Жэнко огцор!!!
Сэтгэгдэл үлдээсэн: 2021-01-25 20:26:58

Зочин: Огцрох нь зөв! Баттулга маш нууцлаг, хаалттай, бохир явуулгатай, хорчин хүн. Маш их хулгай луйвар бий. Бүрэн илрэх цагт Таны санаанд багтамгүй, зүүдэнд оромгүй л хэрэг мандана!!!
Сэтгэгдэл үлдээсэн: 2021-01-25 20:25:37

Овгон: Зохиолыг ургуулан бодох авьяастан даанч унэнд нийцэх араггуй Баттулгыг хувиа хичээгч гэсэн маягаар бичиж Тумний толоо нохрийн тусыг мэддэг хуний хувьд Баттулга ийм юм хийхгуй тиймч гоц ухаан зав чолоогуй залуустаа яаж яаж туслах ходолмор яаж ойлгуулах Дор хаяж л Монгол ундэсний бичиг олондоо дэлгуурэх гэж завгуй байгаа дээр нь боловсоруулсан Монголд яаж уйлдэвэртэй болгох залуусаа яаж оод татах л юм хийх гэж оролдож байгааг ходолмор мэдэхгуй холсний унэ цэн ойлгохгуй бичээч нар дээр нь гоц ухаантан болох гэсэн зохиолч ургуулан бичих юмдаа.Еронхийлогчид хор найруулаад суух зав байх уу? Сонгуулиар омно тумэндээ Монгол бичиг уламжилал ойлгуулах гэж зутгэж байгаа хун хортон уу? Бичиж байгаа та Хортон уу? Цаг уе харуулах болно.Зураач хуний сэтгэл хор биш цэцэн гал оодлох зуйл хийдэг хортонгууд бол дандаа баллад байдаг юмдаа.Бох хун тэвчээр хатуужилтай байдаг.
Сэтгэгдэл үлдээсэн: 2021-01-25 20:24:00

Иргэн: Амлалтаа мартаж, эв нэгдлийг илэрхийлэгч байх үндсэн үүргээ хөсөрдүүлсэн Х.Баттулгад огцрохоос өөр зам үлдээгүй. Төмөр замын 280 сая долларын хэрэг, Хужаа найз Билли Лим, Охиныхоо ард нуусан Офшор зэрэг нь еөкөд том аюул учруулж байгаа учир Ерөнхийлөгчийн сэнтийгээс үхэн хатан зууралдахаас өөр аргагүйд хүрсэн !
Сэтгэгдэл үлдээсэн: 2021-01-25 19:40:29

Зочин: УИХ ТАРАХ ХЭРЭГТЭЙ УГААСАА 20 ОНЫ СОНГУУЛЬ МАН -Н ЛУЙВРЫН СОНГУУЛЬ БОЛСОН ШҮҮ ДЭЭ .ҮНЭН ЗААВАЛ ЯЛДАГ ЖАМТАЙ ХҮРЭЛСҮХЭД ИТГЭЭД МАН Д САНАЛАА ӨГЧ МЭХЛҮҮЛСЭН АРД ИРГЭД МИНЬ ХУДАЛЧ ПОП ХҮРЭЛСҮХЭЭ ХАРДАА ИЧИХ НҮҮРЭНДЭЭ ЭЛЭГ НААГААД НӨГӨӨ СҮРЖИН СЭЛМЭЭ ЧИРЭЭД ЯАЖ ЗУГТАЖ БАЙНА БОЛООГҮЙ БАС ЕРӨНХИЙЛӨГЧ БОЛОХ АТГАГ САНААТАЙ НӨГӨӨ ЁСТОЙ ИЧИГ ИЧИГ ЧИНЬ ЭНЭ БАЙХАА
Сэтгэгдэл үлдээсэн: 2021-01-25 19:31:10

Zochin: Худлаа байлгүй дээ. Хэрвээ үнэн бол тэр дэрээр нүүрээ дараад явж байгаа хүн нь өөр хүн юм биш үү. Яаж ч бодсон нялх биетэй ээжээр тоглодог жүжиг гэж байхав дээ.
Сэтгэгдэл үлдээсэн: 2021-01-25 18:30:18

Зочин: Цаашдын цаг хугацаа л хэн нь хэн бэ гэдгийг харуулна.Тэр эмэгтэйн зураг бол цонхоор авсан лайф бсан.ТВ-үүд сүүлд өлгөж авсан.Нөхөр нь шөнөжин өөрөө лайф хийсэн.Маргааш нь талбайд эхлээд ард иргэд сайн дураараа ирцгээсэн,дараа нь улс төрийхөн нэмэгдэж ашигласан.Хүүк бол огцрох шалтаг гарангуут боломжийг сайн ашигласан,түүнд үүнээс өөр цаг хугацааны боломж олдохгүй бсан байх.Сэхэхэд хүндэрсэн улсын эдийн засаг,хажуугаар нь ОТ-н гэрээ,Оффшёрын мөнгө гээд хуримтлагдсан асуудлуудаас сэм мултарч,"ЕС хийж чадахгүй юм бна харин Е болоё"гэдэг рүү явлаа.
Сэтгэгдэл үлдээсэн: 2021-01-25 18:28:11

2020 1 25: 3dugaar heseg ni ehelchij
Сэтгэгдэл үлдээсэн: 2021-01-25 17:49:06

Булган: МАН олонхи хүний олон хүнээ барьж иддэггүй ганц дайчин ганцаардахгүй ерөнхийлөгчийн ард ард түмэн баина
Сэтгэгдэл үлдээсэн: 2021-01-25 16:55:32

Зочин : Энд нэг худал зүйл бичсэн хэзээ ч ман нам оюу толгой стратегийн ордын тухай ярилцаагүй ганцхан ерөнхийлөгч санаачлагч ш дээ.
Сэтгэгдэл үлдээсэн: 2021-01-25 16:31:59

Сүрин: Монголын түүхэнд зохион байгуулаагүй жагсаал нэг ч байхгүй, харин уухайн зол огцорсонд л ѳнцѳг нь байгааг харж чадахгүй бол бичих хэрэггүй дээ
Сэтгэгдэл үлдээсэн: 2021-01-25 16:22:44

зочин: Талбай дээр зѳвшѳѳрѳлгүй жагсаалыг Засгийн цагдаа их найрсаг хүлээж авсан тэ. Одоо болохоор Их хурлын гишүүн зѳвшѳѳрѳлгүй зогсож болохгүй гээд цагдаа дүрэмдээд байгаа. Хэхэх
Сэтгэгдэл үлдээсэн: 2021-01-25 15:24:44

Zochin: Ene ulgert khen itgekhew
Сэтгэгдэл үлдээсэн: 2021-01-25 14:55:54

цэцэг: юу вэ та нар чинь хрэл сүх сайн гээд долоох шахаад байсан бтшүү гэвч одоо болохоор зугтлаа гээд байх чинь зугтаагүй биздээ яамар гадаад гараад явчихсэн биш их хуралдаа биздээ ажилаа явуулаад байж байнабайхдаа яагаад ингэж хоорондон эвийн эвдэх зүил явуулаг маягийн юм явуулаад байгаа юм иим юмийг эмнэлэг болон эмнэлэг эмч сувлагч асрагч ажилчид биш юм биз ямар ч эмнэлэгиййн эмч нар иим зүйл хиихүү яамар нэгэн явуулаг бөгөөд жүжиг юм бишүү тэр нялах биетэй эмэгтэй өдиид салхи ааваад бурханий оронд явчихсан баймаар юм яагаад амд сэрүүн эгүүл саруул биеиин байдал сайн гээ биздээ тэр бас нэгэн учиртай юм бишүү ард түмээн
Сэтгэгдэл үлдээсэн: 2021-01-25 13:32:11

Zochin: Хэн нотлохын
Сэтгэгдэл үлдээсэн: 2021-01-25 13:29:41

Irgen: Ard tumnii temtsliig yu ch bolgoj chadah AH d ugaasaa butehgui uls ih baidag .ali muu muuhaig setgej yvdag humuus.ted gegee gereltei ,saihan buhniig harluulj muulj bdag amnii belgegui,har amtai haralsan dotortoi mongonii toloo yahaas ch butsahgui sonin humuus ih bdag gej boddog shuu.
Сэтгэгдэл үлдээсэн: 2021-01-25 13:13:25

ema: ene ard tumnii temtsel baisan zaabal BATTULGA d hamaaryylah geed zutgeed yah nyy? hend ashigtain boloo? ??
Сэтгэгдэл үлдээсэн: 2021-01-25 12:53:47

chingis khaan: Mongold ix zaxaa aldaj tom tolgoitnuud ix bolj er ni xucheer darax ni zuv bj Ajilgui, arxichin, popchid tsuglasan jagsaaliig ni nam daraad bugdii ni zodood shorond xiix bsiin. Iim ex zaxgui Tom tolgoitnuud urgelj gai boldog ym. Tser tseejind buur bugsund bgaa. Tolgoi shiir en chatsuu bval unchin xunii idesh Bolton.
Сэтгэгдэл үлдээсэн: 2021-01-25 12:29:02

Зочин: Тэр эмэгтэйг эмнэлэгээс гаргахад телевиз байрлуулчихсан кинонд тоглуулж байгаа юм шиг байсан юмаа Хувцас битгий өмсгөөрэй гэсэн юм шиг байгаа юм
Сэтгэгдэл үлдээсэн: 2021-01-25 12:18:53

Zochin: Za ta buhen sanaa zovoltgui manai. Uih n gishuud yaz jagsaal tsuglaan hiij ogtsor gej shaardaadch yavahgui.harin ene zavshaanaar yaj davhar deel olood numurchih ve l gej zutgene .ihenh ni shuu gee....
Сэтгэгдэл үлдээсэн: 2021-01-25 12:02:58

Иргэн: Энэ харин сонирхолтой таамаглал биш үү. Улс төх тоглоом бдаг гэсэн. Хүссэн ч эс хүссэн тэр. Хүүк дээр биз дээ. Женко бол хувийн эрх ашгаа бодсон дэндүү увайгүй хэнийг ч золиосолж мэдэх эвгүй нөхөр гэж харагдаад бна. Еөкийн ажлаа хийж чадаагүй иргэдийн сэтгэхүй улс орны хүнд бдлыг ашигласан өөдгүй хүн. Боловсрол чадвар муутай бизнесмэн чөтгөр.
Сэтгэгдэл үлдээсэн: 2021-01-25 12:02:47

Зочин: Хүүхдийн төлөө фондын нэрээр луйварын хандивыг хэн санаачилсан Баттулга. Дандаа болохгүй бүтэхгүй юманд орооцолдож байдаг ерөнхийлөгч. Худалч хулгайч гэмт хэрэгтний сэдэл санаатай новш юм аа.
Сэтгэгдэл үлдээсэн: 2021-01-25 12:01:40

Irgen : Shal hud dugnelt.
Сэтгэгдэл үлдээсэн: 2021-01-25 12:00:04

Зочин: АН ын хулгайчид л эхлүүлсэн юм байна ш дээ.
Сэтгэгдэл үлдээсэн: 2021-01-25 10:48:31

зочин: жагсаал цуглаан цаашид үймээн самуун болох хандлага ажиглагдаж байсан. Ерөнхийлөгчийн санаачилгаар онц байдал тогтооно. Эрх мэдлийг ерөнхийлөгч маань гартаа авч зохицуулах байх
Сэтгэгдэл үлдээсэн: 2021-01-25 10:46:23

Бибид: Баттулга дандаа намаа, улсаа хохьроож бдаг. Огцрох ёстой
Сэтгэгдэл үлдээсэн: 2021-01-25 10:14:24

Zochin: Энэ зандалчин шиг өөрийн толгойгүй захиалгийн бичээч юун мэх яриад байна. У.Хүрэлсүхын Оюу толгой, корона, өрх бүрт 1 сая төгрөг гээд хариуцлгатай ажилууд толгой дээр нь тулж ирэхд нялх биетэй эх нярай хоёроор далимдуулан 30 гэр бүлтэй тэмцэж баялагыг ард түмэндээ авчирах, офшорчын мөнгийг оруулж ирэх эх орноо хөгжүүлэх гэх мэм сонгогч ард түмэндээ амласан амлалтаа хөсөр хаян хамтарч зүтгэж дэмжиж байсан төрийн тэргүүнээ хутгалчихаад зугтсан увиагүй юун Түгжил цаашаа ажил л боллоо. Арай ч ийм арчаагүй хүн гэж ард түмэн бид даанч мэдэрсэнгүй.
Сэтгэгдэл үлдээсэн: 2021-01-25 07:55:42

Зочин: Хүрэлсүх ч ёстой муухай түгжилдлээ дээ. Гайгүй гэж бодож явсан.одоо чам шиг урвагч Ерөнхийлөгчийн сонгуульд битгий горьд. Сү тэйгээ 2улаа алга бол.
Сэтгэгдэл үлдээсэн: 2021-01-25 07:54:55

Эндо: Женко гэдэг энэ хүн бушуухан зайлаасай.Муу муухай юманд үнэнхүү гаршжээ.Улсын ерөнхийлөгч биш мафийн толгойлогч гэж өөрийгөө бодсоор 4 н жилийг дуусгалаа даа
Сэтгэгдэл үлдээсэн: 2021-01-25 07:43:13

Халзаа: Лучше жить без президента чем быть с фээс президентом
Сэтгэгдэл үлдээсэн: 2021-01-25 01:04:20

SaGe: Хүний эрхийн мэдрэмжтэй хүн Ерөнхийлөгч болоосой.... Манай Ж, Х хоёрт бол хүнийг эрхийн мэдрэмж байтугай хүнийг хайрлах, энэрэх нинжин сэтгэл үгүй. Зөвхөн улстөрийн ашиг хонжоо харсан хүмүүс
Сэтгэгдэл үлдээсэн: 2021-01-24 12:28:24

Баттулгаа гэж: Женко гэж мафи нэртэй бүтэхгүй гар даа. Үнэхээр энэ хүн ерөнхийлөгч болоод бидний төлөө түй ч юу ч хйисэнгүй. Худлаа бөөн булчин. Зайлаасай энэ муу бөхчүүд. Аан тэр сумьяагаа аваад яваарай!
Сэтгэгдэл үлдээсэн: 2021-01-23 17:46:32

uzegch: battulgiin ard battulga hurelsuhiin ard su batbold baisan n todorhoi bolloo

Шинэ мэдээ

Нийтлэлчид