ШАЛТГААН-1:  “ОРЛОН ТОГЛОГЧ” ТҮР ЗАСГИЙНХАН

Гэхдээ Ерөнхийлөгчийн сонгуулийн дараа Л.Оюун-Эрдэнийн Засгийн газрыг өөр намынхан, эсвэл төв талбайд жагсагчид бус МАН-ынхан өөрсдөө унагах төлөвлөгөөтэй байгаа гэнэ. Үүнийг У.Хүрэлсүх өөрөө огцорхоосоо ч өмнө өврийн дэвтэртээ зурчихсан байсан гэх. 

Тэгвэл тэр төлөвлөгөө нь ийм байж болох уу. Тухайлбал, анхнаасаа Л.Оюун-Эрдэнэ ба түүний нөхөд нь У.Хүрэлсүхийн “ангийнхан”-ы туулах ёстой хүнд цаг үеийг өмнөөс нь туулж, муу нэрийг өөрсдөдөө үүрэх амаргүй даалгавар авсан Түр Засгийнхан байж л дээ. Хурандаа У.Хүрэлсүх хоёр, гурав, дөрөв, тавдугаар сард цар тахал “галзуурч”, вакцин хомсдох эрсдэл байгааг тооцоолж, вакцинжуулалтыг эхлүүлэх, дуусгах, тэр зуур өрнөх асуудал бүхэнтэй улаан нүүрээрээ тулах түр зуурын даалгавартай тэргүүн фронт томилсон нь Л.Оюун-Эрдэнэ ба түүний сайдууд байж. Л.Оюун-Эрдэнийн Засгийн газар хүнд цаг үеийг туулаад, вакцинжуулалтыг дуусгамагц нь огцруулаад өөрийн удирдаж байсан хуучин “салааны дайчид”-даа Засгийн эрхийг буцааж өгөх тохироо хийж байж танхимаараа огцорчээ. Ч.Хүрэлбаатар, Я.Содбаатар тэргүүтнүүд хүн цаг үеийг муу нэргүй, сайдын суудалгүй туулаад дараа нь буцаад суудалдаа очих, магадгүй илүү томроод очих У.Хүрэлсүхийн татгалзаж боломгүй саналыг хүлээн авчээ гэсэн үг. 

ШАЛТГААН-2: “Ч.ХҮРЭЛБААТАР НЬ Б.ЖАВХЛАНГ БОДВОЛ ТООНДОО САЙН БАЙЖ”

ШАЛТГААН-3: НЭРЭЭ ХИЧЭЭГСЭД...

            Хурандаа даргыгаа дагаад чимээгүйхэн явчихсан “цэргүүд” галын шугамандаа буцаж ирэхээр бэлтгэж байгаа мэт нэг л чимээ аниргүй байгааг анзаарсан л байлгүй. Жишээ нь, Сүүлийн хэдэн жил улсын төсөв, санхүү, тоотой холбоотой бүхнээс нэр нь салаагүй Ч.Хүрэлбаатар л гэхэд сүүлийн хоёр сар хагас бараг л юу ч дуугарсангүй. 10 их наядын төлөвлөгөө батлахад, ард түмэнд 300 мянган төгрөг хавтгайруулж тараахад ч “Төсвийн мөнгөнд харамч”, бэлэн мөнгө тараахыг яснаасаа, цуснаасаа “үздэггүй” Ч.Хүрэлбаатар ганц үг унагаагүй нь гайхмаар. Я.Содбаатарын хувьд бүр яриад ч хэрэггүй. Шадар сайдаасаа буугаад усанд хаясан чулуу шиг л алга болчихсон. Хагас жил цэнхэр дэлгэцээр гарч, дасал болсон Шадар сайд асны өнгөрсөн хугацааны улс төрийн замналыг нь бодсон ч тэр У.Хүрэлсүхээс холдоод, улс төрөөс ингээд бүр мөсөн явчих хүн даанч биш. Харин Д.Сарангэрэл хувийн цахим хаягаа хөтөлж, “Зун цаг айсуй”, “Баярын мэнд” л гэж суудаг болсон. Эрүүл мэндийн салбараас байгаль орчин, аялал жуулчлалын салбар луу хээв нэг үсрээд орчихож чаддаг, “бүхнийг мэдэгч хадагтай” хэтэрхий даруухан болчихсон нь бас л гайхмаар зүйл.  Тэд хэтэрхий чимээгүй, нам гүм сууцгааж байгааг нь харвал их л нэрээ хичээцгээж, элдэв хэрүүл, дуулиан шуугианаас хол байхыг хүсэж буй нь илт. Өөрөөр хэлбэл, тун удахгүй бүрдэх дараагийн Засагт орохоор биеэ бэлтгэн чимээгүй сууцгааж байна гэж хардах шалтгаан энэ мөн. 

          Эцэст нь, бас нэг шалтгаан байна. Эрх баригч намын дарга У.Хүрэлсүх Ерөнхийлөгчийн сонгуульд өрсөлдөнө гэдгээ ил, далд илэрхийлсээр л яваа. Харин намын даргын суудлаа хэнд үлдээх вэ гэдэг нь сонин. У.Хүрэлсүх Ерөнхийлөгч болчихвол түүний оронд намын дарга болсон хүн нь ойрын ирээдүйн Ерөнхий сайд болох нь дамжиггүй. Нэг хэсэг Ерөнхий сайд Л.Оюун-Эрдэнийг МАН-ын дарга болгоно гэх “шуум” гарч байсан ч тэгсхийгээд намжсан. Намын ойгоо цар тахал үл хамааран тэмдэглэж байгаа атлаа намын даргаа томилох их хурлаа цар тахлаар шалтаглан хойшлуулж буй нь, Л.Оюун-Эрдэнийг намын даргад зүтгүүлээгүй нь түүний засаглалыг удаахгүйгээр унах төлөвлөгөөтэй нь холбоотой гэх хардлага ч байна. Ямартай ч ил, далд яригдаж, хаврын салхитай цуг хийсч буй “шуум”-уудыг нэгтгэн харвал Л.Оюун-Эрдэнийн засаглал удахгүй дуусаж, У.Хүрэлсүхийн “ангийнхан” буцаж ирэх цаг айсуй гэж харагдаж байна.