• Өнөөдөр 2022-05-19

Хөнөөсөн хүнийхээ булшийг ухаж, эд, эрхтнүүдийг нь салгаж авдаг шашны бүлэглэл Өмнөд Африкийг “там” болгож байна

2022-05-12,   247

Нигери, Зимбабве, Талави, Танзани зэрэг Өмнөд Африкийн оронд шашны зан үйлтэй холбоотой аллагын хэрэг ихэсжээ. 2022 он гарснаас хойш тус бүс нутагт олон цочирдуулах хэрэг гарснаас, нэр, хаяг нь тодорхойгүй гэгдэх шашны бүлэг хүмүүсийн хийж байгаа үйл явдал гэнэ.

-ТАЛИЙГААЧДЫН БУЛШИЙГ УХАЖ, ЭД, ЭРХТНҮҮДИЙГ САЛГАН АВЧ, ХИЛ ДАВУУЛАХ ГЭЖ БАЙЖЭЭ-

Өнгөрсөн хоёрдугаар сарын эхээр Нигери Улсын Акүре хотын нутаг дэвсгэрээс Тимоти Одени гэх этгээд их хэмжээний хүний эд, эрхтэн тээвэрлэж байгаа саатуулагдсан. Сэжигтнийг саатуулсан Олон улсын аюулгүй байдлын сүлжээ агентлаг буюу Амотекун корпусаас шалгалтын ажиллагаа явуулж, Тимоти Одени гэгч нь саяхан оршуулсан иргэдийг булшийг ухаж, эд, эрхтнүүдийг салган улсын хилээр давуулах гэж байсан аж.

                Хэрэгтэн Тимоти Одени өөрөө мэдүүлэхдээ “Би хүний аминд хүрээгүй. Миний хуучин ажиллаж байсан газрын дарга маань шашны зан үйлд хэрэгтэй байна гээд надад хүний үхжээгүй эд, эрхтэн “захьсан” юм. Хэрэв би хил гаргаад хүргээд өгсөн бол надад бэлнээр 30 саяыг өгнө гэж амласан. Тиймээс би өөр аргагүй болоод эд, эрхтэн нь үхжээгүй, саяхан оршуулсан хүмүүсийн булшийг ухаж, эд эрхтнүүдийг нь салгаж авсан” гэжээ. Гэсэн ч хэргийг мөрдөн шалгах ажиллагааны үеэр Амотекун корпусын командлагч Акогун Аделей тэргүүтэй мөрдөх багийнхан нэг хачирхалтай зүйл анзаарсан нь хэрэгтний булшийг нь ухсан, эд, эрхтнийг салган авсан талийгаачид нас бараад удаагүй. Мөн үхлийн шалтгаан нь гаднын нөлөөтэй гэсэн дүгнэлттэй байсан ч, буруутан, холбогдогч нь тодорхойгүй байжээ. Улмаар дээрх хэргийг нэмэлт мэдээлэлд тулгуурлан шалгалтын ажиллагааг үргэлжлүүлэх ажлын хэсэг гаргаснаар хэрэгтэн Тимоти Оденийг нэг сарын хугацаанд 10 орчим хүний аминд хүрснийг тогтоосон байна. Хэрэгтэн ингэхдээ хордуулах, хурц ирмэгтэй төмрөөр толгой хэсэгт нь цохьсон, түүнийгээ маш сайн нууцалж, ул мөрөө ч далдалжээ. Холбогдох албаны шалгалтаар хэрэгтэн Тимоти Одениг нэгдүгээр сарын 30-ны шөнө талийгаачдын булшийг ухаж, цогцсоос нь үхжээгүй эд, эрхтнийг нь салгаж авсныг тогтоосон юм.

-ШАШНЫ ЗАН ҮЙЛТЭЙ ХОЛБООТОЙГООР ХОСУУД НЭГНИЙГЭЭ ХӨНӨӨЖ БАЙНА-

Талийгаачдын булшийг ухаж, үхжээгүй эд, эрхтнийг хилээр давуулах гэж байсан Тимоти Оденигийн хэрэг намжаагүй байтал өнгөрсөн хоёрдугаар сард мөн Нигерид найз залуу нь 20 настай найз бүсгүйгээ хөнөөж, толгойг нь шатаасан хэрэг гарчээ. Уг хэрэг Нигери Улсын Абеокута хотод болсон бөгөөд талийгаач эмэгтэй София Кехиндегийн амийн хөнөөхөд түүний найз залуугаас гадна хэд хэдэн эрэгтэй хүн байсныг шалгалтыг явцад илрүүлсэн байна. Хэрэгтнүүд талийгаач эмэгтэйг хөнөөж, толгойг нь юу ч үлдээлгүй шатааснаа шашны нэгэн зан үйлтэй холбон тайлбарласан аж.

10-11 НАСНЫ 300 ОРЧИМ ХҮҮХДИЙГ ГЭРЭЭС НЬ ХУЛГАЙЛЖ, НЭГ ХАШААНД ХОРЬЖ, МАЛ ШИГ БЭЛЧҮҮЛЖ, “МАЛЛАДАГ” БАЙСАН ГЭВ

Олон улсын аюулгүй байдлын сүлжээ агентлаг буюу Амотекун корпусаас шашны зан үйлийн шалтгаанаар хүний аминд хүрч, хүмүүст заналхийлж байгаа хэргийг үргэлжлүүлэн мөрдсөөр байгаа юм байна. Тэгвэл Амотекун корпусын үйл ажиллагаагаар илэрсэн нэгэн цочирдом хэрэг нь 10-11 насны 300 орчим хүүхдийг гэрээс нь хулгайлж, хорьж байсан явдал байв. Гэсэн ч дээрх хэрэгт холбогдох хэрэгтнүүд мэдүүлэгтээ мөн л шашны зан үйлийн талаар ярьсан бөгөөд хулгайлсан хүүхдүүдээ нэг хашаанд хорьж, өдөрт нь гаргаж, хоолыг нь өгч, оройдоо хашиж, үг дугарах, ярих эрхгүй “мал шиг” байхыг сургаж, “малладаг” байсан гэв. Одоогоор Амотекун корпусын тусгай алба хоригдоод байсан хүүхдүүдийг сулласан бөгөөд эцэг, эхийг нь эрэн хайж байгаа аж.

                Амотекун корпус шашны зан үйлтэй холбоотойгоор ээлж, дараалан гарч байгаа хэргийг үргэлжлүүлэн мөрдөхийн тулд нэмэлтээр 350 алба хаагч, тоотой албаны машин Өмнөд Африкийг орнуудын удирдагчдаас хүсээд байгаа юм байна. Тус корпусаас мэдээлснээр нэр нь тодорхойгүй шашны зан муу үйлийг дэлгэрүүлэхээр төлөвлөгөөт ажил хийж байгаа бүлэглэлтэй холбоотой болон холбоотой байж болзошгүй 150 гаруй хүнийг саатуулаад байгаа аж. Саатуулсан хүмүүсийн мөрдөн байцаалтыг үргэлжлүүлж байгаа бөгөөд хүн амины хэрэгтэй холбоотойг нь шууд цагдаагийн байгууллагад шилжүүлж байна.

Өмнөд Африк даяар үүсээд байгаа “шашны солиотнууд”-ын үйлдлийн талаар нэгэн африк иргэн “Бид хэтэрхий баруунжиж, цаазын ялыг халсан нь ийм хэрцгий үйлдлүүдийн эсрэг бидний дорой болгож байна. Хэрэв тэр “адгуус”-уудын толгойг олон нийтийн өмнө таслах юм бол үр дагавар ч ихсэх байлаа” гэж цахим хаягаараа үзэл бодлоо илэрхийлжээ.

 

 


Хөнөөсөн хүнийхээ булшийг ухаж, эд, эрхтнүүдийг нь салгаж авдаг шашны бүлэглэл Өмнөд Африкийг “там” болгож байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188