Хүн амины ноцтой хэрэг гарчээ. Тодруулбал, 17 настай эрэгтэй хүүхэд архи согтууруулах ундааны зүйл хэрэглэсэн үедээ төрсөн эцгээ хутгалж, амийг нь хөнөөжээ. Цагдаагийн байгууллагын 102 дугаарын утсанд өчигдөр “Хүүхэд нь аавынхаа хоолойг зүсчихлээ” гэсэн дуудлага, мэдээлэл ирсэн байна. Дуудлагын дагуу Баянзүрх дүүргийн цагдаагийн хоёрдугаар хэлтсийн албан хаагчид хэргийн газарт очиход 51 настай эрэгтэй хүзүүн тус газартаа хутгалуулж, нас барсан байжээ. Урьдчилсан байдлаар талийгаачийг төрсөн хүү болох 17 настай М нь олон удаа хутгалж, амийг нь хөнөөсөн болох нь тогтоогдоод байгаа аж.Төрсөн эцгээ хөнөөсөн өсвөр насныг хүүг хорих 461 дүгээр ангид саатуулжээ.