Энэ жилийн үндэсний их баяр наадмаар хиймэл зүлэгнээс болж олон бөх халтирч, олон жилийн хүч хөдөлмөр, хичээл зүтгэл нь талаар болсон байдаг. Тэр дундаа наадамчин олныг өндөлзүүлэн барилдаж, хэдий наадам дууссан ч өнөө хэр “Бие нь яаж байгаа бол” гэж монголчуудын сэтгэлийг чилээж байгаа хүн бол Монгол Улсын саруул сайжрах заан Б.Пүрэвсайхан юм. Тэрбээр тавын даваанд Өмнөговь аймгийн Ноён сумын харьяат, аймгийн арслан М.Буяндэлгэрийг амлан авч барилдсан. Улмаар барилдааны төгсгөлд Б.Пүрэвсайхан заан давсан ч, зүлгэн дээр халтирч, хүнд бэртсэн байдаг.

Тэгвэл бид улсын заан Б.Пүрэвсайхан заантай холбогдож дараах тодруулгыг авлаа.

-Таны бэртэл давгүй юу?

       -Үндэсний их баяр наадмаас хойш бэртэл, гэмтлээ эдгээхийн тулд их хичээлээ. Нэг үеэ бодол бэртэл маань эдгэж, давгүй сайхан болж байна.

-Бөх сонирхогчид танд санаа зовж байна. Бэлтгэлдээ хэзээ орох вэ?

       -Санаа зовж, санаа тавьж байгаа бүх хүнд талархаж байна. Миний хувьд бэлтгэлдээ орсон байгаа. Тэгэхээр санаа зоволтгүй, бэлтгэлээ хийгээд явж байгаа гэсэн үг.

-Өргөөнд хэзээнээс барилдаж эхлэх вэ?

       -Цагаан сарын барилдаанд гарна аа.

-Баярлалаа, эрүүл энхийг хүсье.

          -Баярлалаа.