“Тавантолгой түлш” компанийн удиирдлагуудыг хууль хяналтын байгууллагаас шалгаж эхэлжээ. Тодруулбал, тус компанийн удирдлагуудыг эрх мэдэл, албан тушаалын байдлаа урвуулан ашиглаж, бусдад давуу байдал олгосон байж болзошгүй ноцтой баримт мөрдөгчийн гарт очжээ.

            Эх сурвалжийн бидэнд өгч буй мэдээллээр “Тавантолгой түлш” компанийн удирдлагууд 2023 оны хөрөнгө оруулалтын төлөвлөгөөнд тусгагдсан 6.9 тэрбумын гэрээг дур мэдэн цуцласан. Тодруулбал, “Тавантолгой түлш” компаниас Зүүн үйлдвэрийн дулааны эх үүсвэр, зуух, дагалдах төхөөрөмж суурилуулах тендер зарласан байдаг. Уг бүтээн байгуулалтын хөрөнгө оруулалт нь 6.9 тэрбум төгрөг байсан. Тендерт “Чандмань илч” ХХК нь шалгарч, 2023 оны есдүгээр сард ажил гүйцэтгэлийн гэрээ байгуулсан юм билээ. Бүтээн байгуулалтын ажил эхэлж, төсөв нь захиран зарцуулагдаад явж байтал “Тавантолгой түлш” компанийн удирдлагууд байгуулсан гэрээгээ дур мэдэн цуцалчихсан. Ингээд төслийн үлдэгдэл болох 5.7 тэрбум төгрөгийг өөрсдийн хамаарал бүхий байж болзошгүй “ХНЯ” ХХК-д давуу байдал олгож, шууд гэрээгээр олгочихсон. Үүнийг нь хууль хяналтын байгууллага шалгаж байгаа” гэсэн юм.

            Бид энэ талаар үргэлжлүүлэн хүргэх болно.