Нийслэлийн зам засвар, шинэчлэлийн ажил үргэлжилж байна. Энэ онд нийт 87 байршилд 162 км авто зам шинэчлээхээр төлөвлөн ажиллаж байгаа. Одоогийн байдлаар 40 байршилд 53 км авто замыг засаж, шинэчлээд байна. Бордюртой холбоотой асуудалд олон нийтийг шүүжмлэлийг дагуулаад байгаа юм. Тодруулбал, зам засвар, шинэчлэлийн ажлын хүрээнд хийгдэж буй гантиг чулуун бордюрыг компаниуд 20 мянган төгрөгөөр БНХАУ-аас авч, улсад 120-170 мянган төгрөгөөр нийлүүлж байж болзошгүй ноцтой мэдээлэл цацагдаад байгаа.

       Эргэлт.мн мэдээллийн сайтын Эрэн сурвалжлах нэгдэл бордюртой холбоотой асуудлыг БНХАУ-аас сурвалжилж, уншигч танд хүргэсэн билээ. Энэ асуудлаар хууль хяналтын байгууллагаас шалгалтын ажиллагаа явуулж эхэлжээ.

АТГ-ын Олон нийттэй харилцах хэлтсээс бордюртой холбоотойгоор асуудлыг шалгаж байгаа эсэх талаар тодруулахад “Бордюртой холбоотой асуудлыг шалгаж байна. Мөрдөн шалгах ажиллагаа явагдаж байгаа учраас дэлгэрэнгүй мэдээлэл өгөх боломжгүй” гэлээ.