Мөрийтэй тоглоом зохион байгуулж, бусдын данснаар мөнгө гарган авдаг байж болзошгүй үйлдлээр Хаан, Төрийн банкны болон Улсын бүртгэлийн ажилтнуудыг өнгөрсөн шөнө Эрүүгийн цагдаагийн албанаас баривчилсан гэх мэдээлэл хэвлэл мэдээллийн хэрэгслээр цацагдаад байна.

Банкны болон Улсын бүртгэлийн ажилтнууд иргэдийн мэдээллийг “зарж”, хувь хүний нууцыг задруулдаг байж болзошгүй аж. Уг бүлэглэлийг хууль хяналтын байгууллагаас шалгаж байгаа гэнэ.

Энэ талаар ЦЕГ-ын Хэвлэл мэдээллийн төвөөс мэргэжилтнээс тодруулахад “Албан ёсны мэдээллийг тун удахгүй өгнө” гэв.

       Харин энэ талаар Төрийн банкны Бүтээгдэхүүн хөгжүүлэлт, маркетингийн газрын захирал Б.Содонбаатараас тодруулахад “Би орон нутагт томилолттой яваа учраас нарийн мэдээлэл өгөх боломжгүй байна. Төрийн банкны ажилтнууд мөрийтэй тоглоом зохион байгуулж, харилцагчийн мэдээлэл задруулсныг мэдэхгүй байна. Надаас өөр мэдээлэл өгөх хүн байхгүй. Ирэх даваа гарагт Улаанбаатарт очно” гэлээ.