Олон нийтийн сүлжээнд реппер Дандий татвар төлөгчдийн мөнгөөр олимп үзэж байна гэх мэдээлэл гараад буй. Энэ талаар түүнээс тодрууллаа.

      Тэрбээр “Би Жүдо бөхийн холбоонд гадаад харилцаа хариуцсан менежерийн ажлыг хийж байна. Хоёрдугаар сард Жүдо бөхийн холбооноос надад томилолтын мөнгө бэлнээр өгсөн. Үүнийг банканд очиж картдаа хийсэн хуулга нь цахим сүлжээнд цацагдаад байгаа юм.Надтай хамт Монголын жүдо бөхийн холбооны дарга болон ерөнхий нарийн бичгийн дарга холбооны зардлаар явсан. Бидэнд улсын зардлаар явах эрх байхгүй. Би жүдо бөхийн тамирчдынхаа гадаад харилцааг зохицуулж, орчуулгын тусламж үзүүлж явсан. Миний мандат ч тийм үүрэгтэй” гэлээ.