Гар утасны хулгайн хэрэгт сэжиглэгдэж, хорих 461 дүгээр ангид саатуулагдаж байсан 21 настай О амиа алдсан харамсалтай хэрэг гараад байгаа билээ. Талийгаачийн ар гэрийнхэн гомдолтой байгаагаа илэрхийлээд байгаа. Тэгвэл энэ хэргийн талаар ЦЕГ-аас мэдээлэл хийлээ.

ЦЕГ-ын Урьдчилан сэргийлэх газрын хэлтсийн дарга, цагдаагийн хошууч Г.Мөнхбаяр “Долдугаар сарын 23-нд "Цагдан хорих 461 дүгээр ангиас хүнд хүн ирлээ” гэх дуудлага, мэдээлэл бүртгэгдсэн. Талийгаач О нь долоон холбогдогчтой таван гэмт хэргийн 10 үйлдэлд яллагдагчаар татагдан шалгагдаж байсан. Талийгаач О-г Чингэлтэй дүүргийн шүүхийн шийдвэрээр цагдан хорьсон. Цагдан хоригдож байх хугацаандаа буюу долдугаар сарын 11-нд хэвлий тус газарт өвдсөн гэх оношоор эмнэлэгт хандсан. Талийгаач цөсний шалтгаант нойр булчирхайн цочмог үрэвслийн улмаас амиа алдсан гэсэн дүгнэлт гарсан. Гэхдээ цагдаагийн байгууллагаас тодорхой шинжлүүлэхийн тулд нарийн мэргэжлийн эмч нарыг томилон ажиллуулж байна. Талийгаачийг хорих ангийн эмнэлгээс 16 удаа үзлэг, шинжилгээнд оруулсан байдаг” гэв.