Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын Хязаалан насны морьдын уралдаан барианы зурхайд орлоо. 

Хязаалан насны морьдын уралдаанд Тод манлай уяач Д.Хишигжаргалын хүү Энхжингийн хээр үрээ аман хүзүүнд хурдаллаа.  

      Тод манлай уяач Д.Хишигжаргал “Монголынхоо ард түмэнд баярын мэнд хүргэе. Сайхан наадам болж байна. Миний хүүгийн хээр үрээ аман хүзүүдлээ. Энэ хээр үрээ даагандаа Төрийн наадам түрүүлж, өнгөрсөн жил Хэнтий аймгийн 100 жилийн ойд  түрүү магнайд хурдалж байлаа. Сэлэнгэ аймгийн Баянгол сум, Хараа голын унаган адуу байгаа юм аа. Баянгол сумын н.Бүжинлхам, Ганбаяр гэж хүний адуу. Хээр үрээгээ үзүүрт уралдана гэдэгт итгэлтэй байлаа. Хүү минь анх удаа морь уяж, Төрийн наадмын аман хүзүү хүртлээ” гэв.

Та бүхэн сайхан наадаарай.