МҮБХ-ны дэргэдэх допингийн хэргийг хянан шийдвэрлэх хараат бус комисс хуралдаж, улсын арслан Э.Оюунболдын барилдах эрхийг сэргээх эсэхийг хэлэлцэх гэж байна. Уг комиссын хурал өнөөдөр 15:00 цагт болно. Э.Оюунболдын зүгээс Монгол дахь олон улсын ба үндэсний спортын арбитрт нэхэмжлэл, шаардлага гаргаад байгаа юм. Түүний гаргасан шаардлагыг Монгол дахь олон улсын ба үндэсний спортын арбитрын давж заалдах комисс хүлээн аваад байгаа билээ.

Бид барилдах эрхийг нь сэргээх, эс сэргээх эсэх талаар улсын арслан Э.Оюунболдыг ямар байр суурьтай байгааг тодруулахад “Би сайн мэдэхгүй байна. Ямар шийдвэрийг гарахыг нь хүлээж байна” гэв.