Цаг агаарын аюултай нөхцөл байдлаас урьдчилан сэргийлэхийг анхааруулж байна. Улаанбаатар болон баруун, зүүн аймгуудын нутгаар нойтон цас орж, нөхцөл байдал хүндэрч байгааг албаныхан сэрэмжлүүлж буй.

Тодруулбал, Хэнтийн нуруу, Сэлэнгэ аймгийн Хүдэр, Мандал сум, Төв аймгийн Борнуур, Батсүмбэр, Эрдэнэ, Мөнгөнморьт сум, Багануур, Налайх дүүрэг, Улаанбаатар хот орчмоор үдээс хойш цас үргэлжлэн орж, ургац хөлдөх эрсдэл үүсэх эрсдэлтэй байна. Сэлэнгийн Хүдэр сумын нутагт Хэнтий нурууны орчимд хуримтлагдах цасны хэмжээ 5-10 см, Улаанбаатар хотын хойд зуслангууд, Гачуурт, Тэрэлжийн орчмоор таван см зузаан  цас орж, Улаанбаатар хот орчимд уулаараа хасах хэмд хүрч, шөнөдөө хальтиргаа, гулгаа үүсэх нөхцөл бүрдэж байгаа аж.

Иймд иргэд та бүхнийг шаадлагагүй тохиолдолд холын замд гарахгүй байхыг анхааруулж байна.