Хөвсгөл аймгийн Улаан-Уул сумын сургуулийн спорт заал шатжээ. Энэ талаар ЦЕГ-ын Хэвлэл мэдээллийн төвөөс өгсөн мэдээллээр “Хоёрдугаар сарын 15-нд Улаан-Уул сумын спорт заал шатсан тухай дуудлага, мэдээлэл бүртгэгдсэн. Уг хэргийг Хөвсгөл аймгийн цагдаагийн газар шалгаж байна. Галын улмаас хүн бэртэж, гэмтээгүй. Урьдчилсан байдлаар галын дүгнэлт, хор хохирлын үнэлгээ хийх боломжгүй” гэлээ.

Ташрамд дурдахад, тус сумын сургуулийн шинэ барилга 11 жил царцаж, өнөөдрийг хүртэл ашиглалтад ороогүй байгаа. Үүний улмаас 800 гаруй хүүхэд ашиглалтын хугацаа дууссан, галладаг байшинд хичээллэж байгаа юм.