"Өглөөний сонин"-ы Ерөнхий эрхлэгчээр Чанцалын Үл-Олдохыг, Орлогч эрхлэгчээр Батбаярын Төрбатыг томилжээ.

         Ерөнхий эрхлэгчээр томилогдсон Ч.Үл-Олдох нь МУБИС-ийг Сэтгүүлч-Утга зохиолын ажилтан мэргэжлээр төгсөж, 2002 онд “Улаанбаатарын сонин”, 2005 онд “Өнөөдрийн Монгол” сонинд сэтгүүлчээр ажлынхаа гарааг эхлүүлжээ. Мөн тэрбээр 2006-2008 онд “Нийгмийн толь” сонинд, 2008-2022 онд “Зууны мэдээ” сонинд Албаны дарга, Тоймчоор ажиллаж байсан туршлагатай сэтгүүлч юм. Ч.Үл-Олдох нь 2022 оноос “Өглөөний сонин”-ы Эрэн сурвалжлах болон Тоймчдын албаны дарга, тус сонины Орлогч эрхлэгчээр ажиллаж байгаад тушаал дэвшиж, Ерөнхий эрхлэгчээр томилогдлоо.

          Харин Орлогч эрхлэгчээр томилогдсон Б.Төрбат нь Радио телевизийн дээд сургуулийг сэтгүүлч мэргэжлээр төгсөж, ажлын гараагаа 2011 онд "Өглөөний сонин"-оос эхлүүлсэн.  2011-2017 онд "Өглөөний сонин"-ы Эрэн сурвалжлах алба, Улс төрийн албанд сэтгүүлч, Албаны дарга, 2017-2018 онд мэдээллийн Newspress.mn сайтад сэтгүүлч, редактороор ажиллаж байсан. Тэрбээр 2018 оноос Zindaa.mn сайтад Улс төрийн албаны сэтгүүлч, даргаар ажиллаж байгаад 2024 оны нэгдүгээр сарын 8-ны өдрөөс "Өглөөний сонин"-ы Орлогч эрхлэгчээр томилогдлоо.