ЭМЯ-наас коронавирусийн халдварын талаарх цаг үеийн ээлжит хэвлэлийн бага хурал хийлээ. Энэ үеэр ХӨСҮТ-ийн тандалт, судалгааны албаны дарга А.Амбасэлмаа “Арваннэгдүгээр сарын 18-нд 1390 хүнд шинжилгээ хийхэд 31 хүний шинжилгээнд коронавирус илэрлээ. 

Алтанбулагаар орж ирсэн тир машины 30 жолоочоос долоон жолоочид вирус илэрлээ. Мөн Дархан-Уул аймагт 3, Сэлэнгэ 4, Дорноговь 1, Орхон 13, Улаанбаатарт шинээр 3 тохиолдолд вирус илэрсэн. Улаанбаатарт нийт 14, Орхон 13, Дархан 11, Говьсүмбэр 1, Дорноговь 1  нийт шинээр бүртгэгдсэн орон нутгийн байршилтай 72 тохиолдол болоод байна. Батлагдсан 505 эдгэрсэн 329 тохиолдол боллоо” гэв.