Завхан аймгийн Их-Уул сумын Цэцүүх багийн “Нам” гэдэг газар буюу аймгийн төвөөс зүүн зүгт 279, сумын төвөөс зүүн зүгт 55, Тосонцэнгэл сумаас зүүн зүгт 100 км-ийн зайд ойн түймэр гарсан тухай дуудлага мэдээллийг есдүгээр сарын 17-ны өдрийн 17:35 цагт хүлээн авчээ.

   Түймрийг есдүгээр сарын 18-ны өдрийн 12:00 цагт цурамд оруулж, 14:32 цагт бүрэн унтраан, аймгийн Засаг дарга болон байгаль хамгаалагчдад хүлээлгэн өгсөн байна.

   Түймрийг Тосонцэнгэл сум дахь Онцгой байдлын хэлтсийн алба хаагчид орон нутгийн иргэдтэй хамтран унтраасан бөгөөд урьдчилсан байдлаар 1.4 га талбай өртөж шатсан байна.