“Автомашингүй өдөр-2024” арга хэмжээг есдүгээр сарын 21-ний өдөр буюу ирэх бямба гарагт зохион байгуулахаар болжээ. Автомашингүй өдрийг тохиолдуулан хэд хэдэн байршлын замын хөдөлгөөнийг хэсэгчлэн хааж, зохицуулалт хийхээр болсон байна. Тодруулбал,

• Үндэсний соёл амралтын хүрээлэнгийн баруун уулзвараас “Урбаник”-ын уулзвар хүртэлх 650 метр авто зам
• Яармагийн гүүрнээс MSM хүртэлх 550 метр авто зам
• Нисэхийн аюулгүйн тойргоос Архивын ерөнхий газар хүртэлх 1.7 км авто зам
• ТБД-Андуудаас Өгөөжийн уулзвар хүртэлх замыг хэсэгчлэн хааж, зохицуулалт хийх аж.

Мөн “Автомашингүй өдөр-2024” арга хэмжээг тохиолдуулан 20 гаруй зах, худалдааны төвийг хааж, Сүхбаатарын талбайн урд хэсгээр урлаг, спортын арга хэмжээ зохион байгуулахаар болжээ.