Намрын налгар өдрүүд үргэлжилж, хичээл сургууль эхэлсэнтэй холбогдуулан Улаанбаатар хотын түгжрэл өдрөөс өдөрт нэмэгдэж буй.  Мөн малчид өвс, хадлангаа бэлтгэхэд хэрэг болох бага оврын ачааны машин сонирхож байгаа гэнэ. Тиймээс малчид тарган малаа махны ченжид хямд өгч, автомашины ченжээс үнэтэй машин худалдаж авдаг үе аж. Үүнээс гадна оюутнууд хичээлийн зав зайгаараа таксинд явж, мөнгө олох зорилготойгоор приус маркийн автомашин худалдан авдаг байна. Тиймээс Эргэлт.мн мэдээллийн сайт “Да хүрээ” захаас дараах сурвалжилгыг бэлтгэлээ.  

өнгөрсөн хавар 20-22 сая төгрөгийн үнэтэй байсан приус 20 маркийн автомашин 24-25 сая төгрөгт хүрчээ

            Удахгүй идэр есийн хүйтэн эхэлж, иргэд хүүхдүүдээ сургууль, цэцэрлэгт нь хүргэж өгөх үнэ боломжийн унаа хайн “Да хүрээ” захаар холхих аж. Биднийг тус захад очих үеэр хөл хөдөлгөөнд дарагдсан “Да хүрээ” захын ченжүүд амандаа орсон үнэ хэлж байх юм. Тухайлбал өнгөрсөн хавар 20-22 сая төгрөгийн үнэтэй байсан приус 20 маркийн автомашин 24-25 сая төгрөгт хүрчээ. Бид энэ үеэр худалдан авалт хийхээр ирсэн малчин залуугаас дараах тодруулагыг авсан юм. Тэрбээр “Өнгөрсөн жил машин худалдаж авсан. Би 2020 онд орж ирсэн “Probox” 10 сая төгрөгөөр авч байлаа. Гэтэл энэ жил үнэ нь хоёр дахин нэмэгдээд 21 сая төгрөг болжээ. Он хуучин машин ч өнгөрсөн жилийн үнэ ханшаар худалдаж авах боломжгүй болсон байна. Хуучин машины үнэ ч шинээсээ ялгагдах зүйлгүй өссөн бололтой. Энэ жил нэг тэвштэй тэрэгтэй болох санаатай хэдэн хонь махлаад мөнгийг өвөртлөөд ирсэн. Гэтэл хаанаа ч хүрэхгүй янзтай шүү. Нутаг руугаа буцаад, малчны зээл авч ирдэг юм уу л гэж бодож зогсоно. Өглөөнөөс хойш энэ хавиар эргэлдлээ. Олигтой машин таарсангүй. Хэзээ мөдгүй салж унах гэж байгаа машины эзэн хүртэл амандаа орсон, дуртай үнээ хэлж байх юм. Шинэ машины үнийг бүүр асуугаад ч хэрэг алга. Миний сонирхож байгаа тэвштэй машины орж ирсэн үнэ 30 сая төгрөг хол гарчээ. 2015 онд орж ирсэн үнэ нь 23 сая төгрөг болсон байна” гэсэн юм.

       Жишээлбэл, приус 30 маркийн автомашин үйлдвэрлэсэн оноосоо гадна, дотроо “L” “S” “G” гэх мэт загвартай. Үнийн хувьд ч харилцан адилгүй байдаг

          Мөн бид “Да хүрээ” захын ченжээс дараах тодруулгыг авлаа. Тэрбээр “Энэ жил худалдан авалт тун дажгүй байна. Өнгөрсөн хоёр жил худалдан авалт муутай байсан. Тэр дундаа бэлэн мөнгөөр худалдаа их хүн ховор байлаа. Тиймээс Банк бусаар олонхыг нь худалдсан. Иргэд автоамашины үнэ тэнгэрт тулсан гэж байгаа боловч үнэндээ автомашины үнэ өсөөгүй. Харин буурах чиг хандлагатай байна. Автомашин он, үнэ, загвараасаа хамаараад харилцан адилгүй байдаг. Жишээлбэл, приус 30 маркийн автомашин үйлдвэрлэсэн оноосоо гадна, дотроо “L” “S” “G” гэх мэт загвартай. Үнийн хувьд ч харилцан адилгүй байдаг” гэлээ. Иргэдийн хамгийн их худалдан авалт хийдэг “Prius 20”, “Prius 30”,  “Prius 41”, “Prius 50”, “S”, “Aqua”, “Probox” “Harrier” загварын машины үнэ асуухад “Prius 20” гаальтай нь 20-24 сая, “Prius 30” гаальтай нь 23-28 сая, “Prius 50” 45 сая, “Prius 41” 32.5 сая төгрөгийн үнэтэй. Харин “Aqua” загварын автомашин 18-20 сая, “Probox” 15-23 сая, “Harrier” загварын автомашин 36-95 сая төгрөгийн үнэтэйгээр борлуулагдаж байна.

Энэ жил нэг тэвштэй тэрэгтэй болох санаатай хэдэн хонь махлаад мөнгийг өвөртлөөд ирсэн

           “Да хүрээ” захад орон нутгийн иргэд тэвштэй тэрэг сонирхож байх бол залуус приус 30, 50 маркийн суудлын автомашин худалдан авах сонирхолтой байна. Приус 50 маркийн автомашин худалдан авч буй залуугаас тодруулбал “Би энэ жил их сургуульд элсэн орсон. Тиймээс хичээлийнхээ хажуугаар халтуур хийх зорилгоор машин авч байна. Нэгэнт л машин авч байгаагаас хойш өнгө үзэмж сайтайг нь авья гэж бодоод приус 50 маркийн машин авахаар боллоо. Урьдчилгаа 30 хувийг нь өгөөд Банк бусаар худалдан авч байна. Яг үнэндээ автомашины үнэ өссөн, өсөөгүйг мэдэх юм алга” гэлээ.  

Урьдчилгаа 30 хувийг нь өгөөд Банк бусаар худалдан авч байна. Яг үнэндээ автомашины үнэ өссөн, өсөөгүйг мэдэх юм алга

           Түм түжигнэж бум бужигнасан “Да хүрээ” захад автомашин талх шиг л зарагдаж, ченжүүд намрын налгар өдрүүдэд ашиг орлого арвин байгаа бололтой. Иргэд ченжээс “Энэ машинд ямар асуудал бий” гэхэд “авбал ав. Үгүй бол цаг битгий дэмий үрээд бай” гээд уурсаж байв.