• Өнөөдөр 2025-03-28

Э.Энхбат начинг гадаадад эмчлүүлэхээр хөөцөлдөж байна гэв

2021-04-11,   987

Монгол Улсын өсөх идэр начин Э.Энхбат энэ сарын 2-нд Олимпийн аварга Н.Түвшинбаярт зодуулж, биедээ хүнд гэмтэл авсны улмаас ГССҮТ-д хэвтэн эмчлүүлээд 10-аад хоног болж байна. Тэрбээр эмнэлэгт хүргэгдэн ирэхдээ шоконд орсон, хөөрлийн байдалтай ирсэн бөгөөд түүний эхнэр Б.Нандинцэцэг “Эмнэлэгт ирэхдээ Н.Түвшинбаяраа одоо больчих л доо, болиоч дээ гээд гуйгаад байсан” хэмээн мэдээлэл өгсөн билээ.

Түүний биеийн байдал дээрдэхгүй байгаа тул ар гэрийнхэн нь Герман болон БНСУ зэрэг улсад эмчлүүлэх талаар хөөцөлдөж байгаа гэх мэдээлэл гараад буй. Тэгвэл баттай эх сурвалжийн мэдээлснээр гадаадад хэвтэн эмчлүүлэхээр хөөцөлдөж байгаа нь үнэн бөгөөд аль улсад гэдэг нь одоогоор тодорхой болоогүй байгаа гэнэ.

Мөн Э.Энхбат начин ГССҮТ-ийн Сэхээн амьдруулах тасагт унтуулга хийлгэсэн байдалтай хэвээр байгаа гэв. Түүний эхний унтуулга дөрөвдүгээр сарын 6-ны 02:00 цагт дууссан бөгөөд ухаан ороогүй учир дахин унтуулгад ороод байсан билээ.

Э.Энхбат начны биед хүнд гэмтэл учруулсан гэх Н.Түвшинбаяр өдгөө ШШГЕГ-ын цагдан хорих 461 дүгээр ангид саатуулагдаад буй юм.


Э.Энхбат начинг гадаадад эмчлүүлэхээр хөөцөлдөж байна гэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2
  • Сэтгэгдэл үлдээсэн: 2021-04-12 04:36:59
    Эмээ: Бурхан өршөөж эрүүл энх болох болтугай. ;хөөрхий минь.
  • Сэтгэгдэл үлдээсэн: 2021-04-11 23:35:55
    Zochin: Iim hund gemteld urd hursh maani bosgoj irj chadahgui uom bnlee bid buhend iim yavdal tohioldson.Shuuh tsagdaa duusahgui 3jil bolj bndaa.Burhan urshuug.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.